ياريت نجهز نفسنا كلنا
بسم الله الرحمن الرحيم
السلام عليكم ورحمه الله وبركاته
ياجماعه الموت مش هيقولنا انه جايلنا لازم نكون عاملين حسابنا ليه اولا انا بنت وانصح اى بنت انها تجهز نفسها زى ماحنا بنجهز نفسنا لفرحنا دا كمان يوم فرحنا وزفافنا ولازم نكون مجهزين نفسنا ياريت كلنا نبتدى نجهز نفسنا من دالوقتى اولا الصلاه يا جماعه اهم حاجه الصلااااااااااه وتكون فى مواعيدها وربنا ان شاء الله يتقبل منا جميعا وبعد كده العمل الصالح والنيه الصالحه وياريت نذكر ربنا كتير وربنا يتقبل منا جميعا صراحه انا مش عارفه اقولكم ايه بس بجد حسيت انكم لازم تعملوا كده لان وقت الحساب مفيش حد هيتحاسب مكان حد كل انسان هيكون بعمله ياريت نعمل حسابنا للى جاى يا جماعه البنات دالوقتى ماشيه ورا الموضه والمكياج كل دى حاجات ملهاش اى لازمه انتى هتتحاسبى عليها ياريت نفوق شويه من الهمجيه اللى احنا عايشين فيها دى ونفكر دايما للى جاى نفكر فى اللى ينفعنا فى مستقبلنا زى ماتفقنا فى الاول ياترى قبرنا يا جماعه هيكون شكله ايه هيكون واسع وجميل ولا هيكون ضيق ويخنقنا والسؤال والجواب ياترى لما نتسال هنقدر نجاوب ولا لا كل ده فى ايدنا يا جماعه احنا اللى فى ايدنا نكون فى النار وفى ايدنا برضو نكون فى الجنه شوف انت بقا عاوز تبقا فين طبعا كلنا عاوزين الجنه يبقا لازم نسعى ليها
ياريت نفكر فى الكلام ده كويس وان شاء الله نبدا بعمل بيه
وجزاكم الله خيرا
والسلام عليكم ورحمه الله وبركاته
مواقع النشر (المفضلة)