مواقف الاكاديميه

[صافي المَشْرَبْ]

[align=center]بسم الله الرحمن الرحيم


السلام عليكم ورحمه الله وبركاته



حبيت اكتب هذا الموضوع بعد ما صار لي كم موقف بالجامعه ....


نبي نفرفش خلاص كل واحد من الاعضاء يقول موقف صار له واذا كان بالثانوي او المتوسط ما فيه اي مشكله :1ar:



انا اول واحد بابدا/


يوم الاحد اللي هو قبل يومين...


جاك مستر قصيمي<<<اللي هو انا:tongue:


قمت من النوم وصايم والحاله صعبه المهم رحت اشوف الجدول هذا الكلام الساعه 10 صباحا رحت انا وخشتي اخذت كتب يووم الاثنين:56ar:



المهم لبست الثوب ورسمت وتعطرت<<<<مسوي الاخ كشخه:cool:


وركبت السياره ومشيت وصلت للجامعه متاخر انا وخشتي خمس دقايق :8ar:


طرقت باب الكلاس مسوي محترم وشفت الاستاذ جون موجود وانا اقول بروحي عساه ما حضر وغيبنا:mad:


المهم دخلت وبدا يهذر بالانجليزي وانا ما ادري وين ربي حاطن ما فهمت الا انه يقول *واي كم ليت* يعني ليه متاخر :56ar:


المهم يوم جلست فكرت قلت هذا وش جابوه اليوم ما علينا ذا الماده<<<<مسوي اني فاهم وانا وخشتي محضر ليوم الاثنين$777



المهم سالت اللي بجنبي قلت له وش جاب هالقرعه الحمراء <<<هذا لقب الدكتور im22



ما علينا اليوم :21ar:

قالي مهو على كيفك اليوم علينا وانا الم افمي واسكت:59ar:

ما امداني اكمل كلامي الا وهو يقولي where is you book وانا عاد بلشت ما ادري وش اقولوه اقوله اني محضر ليوم الاثنين :*:*


المهم بدا يهذر وانا ودي اقوم واكفخوه لمان ينبطح:8ar::8ar:


المهم زعل الاستاذ وقرعته زادت في الاحمرار وانا ما جبت خبرو مخليه مثل كلب ينبح...


:56ar::56ar::56ar:


المهم ما خلص الكلاس الا وانا هاج للبيت وجايب كتب يوم الاحد...


وخلصت الساااالفه


************************************************** ***


يله عاد جاء دوركم كل واحد يقول موقف.....


************************************************** *



تحياتي/

قصيمي يجرح ويداوي[/align]

[تحدوها البشر]

ههههههههههههههههههههههه
يحليلك يالذا التمساح اثرك خواف تذكرني فيني اذا جت محاضره المصريه استاذتنا اذا جت تشرح تطالع فيني وبس تقول كن مافي القاعه الا انا واذا بعدت عيوني عنها
زعقت على وتقول (يالي سرحانه)وربي صرت اخاف منها بجد ..
وجتنا نفسها ذي الاستاذه وهي حاطه قرنين وربي طالع شكلها يفطس من الضحك عاد يوم شافتنا نضحك طقت طبولها الحرمه وقامت تهزىء وخلتنا مانسوى شي


ومن عقبها وانا اجلس في نهايه القاعه واذا حسيت عاد اني خايفه مرة اسحب على المحاظره واهرب:)

[صافي المَشْرَبْ]

تحدوها البشر اشكرك يا السحليه هههههههههههه والحال من بعضه

[صافي المَشْرَبْ]

[align=center]ما دام ما فيه الا عضو شارك اسمعو سولافتي الثانيه
7
7
7
7
7
7
7
7



في ايام الجاهليه بصف ثاني ثانوي


كان مالي نفس احضر الحصه


المهم اثناء هجولتي بالاسياب لمحت الباب ما عليه الحارس قلت هاذي الفرصه اللي ما تعوض

:3ar:

:8ar:

والله واطلع بس شفت البوابه الخارجيه مسكره:mad:


قلت والله لا اقمز ما علي ابي افطر برا المدرسه مهو فطورهم اللي يسبب المغص<<<مسوي كشخه


وانا اربط الثوب واقمز وافكر اروح لاي بوفيه ابو سعد ولا السعاده تذكرت ان علي دين للسعاده ثلاثين ريال قلت لا خلنا على ابو سعد:tongue::tongue:


ما امداني اصل الارض بعد الطبه الا اللي يناديني وانا اقول ياليل ما اطولك منهو ذا الا هو المدير<<<<عز الله ما طلعنا منها


بدا يحقق على باله هو وكرشته المشكله اني اقول انه شايفني اطمر السور يعني ما يمديك تقوله اني اليوم غايب<<<يعني قبض علي بالجرم المشهود:rolleyes:

وهو يقول تبي تهرب؟؟؟ وانا اقول لا الله يهديك انا اهرب >>>> بطاقة الاستاذان طارت وطمرت السور اجيبها الا وهو يضحك:8ar::8ar:


قالي ما شاء الله عليك :56ar:خــيــالــك واســع:56ar:


المهم قالي الحقني للاداره ,واستلمني توقيع وتبصيم بالتعهدات لين قلت بس وقال هالمره بمشيها لك ...

وانتهت السولافه على خير


********************************************


يله جاء دوركم يا شباب وصبايا


*******************************************


تحياتي/

قصيمي يجرح ويداوي[/align]

[شًِهيًِدًِ.اًِلتًِغًِلًِي]

موضووووع جميل يالله خلنا ننثر مواهبنا


احم ........

<--- شعنده ابن بطووطه


في مرتن من المرات في احد اليالي الملااح دق علي خويي قالي ابيك تروح معاااي

الرياض على سيارتي قلت له تم ماعندنا مانع


<--------- راعي سربته بشارع التحليه


المهم واعدني الساعه 2 بالليل نمشي ومرني ومشينا وهو كان تعبان حيل وهو بنص الطريق قال انا بنام ورى اوكي

قلت له اوكي خذ راحتك

<-- كان عندي مكالمه ضروريه وهو ناشبلي لا تدققون وش المكالمه

المم ذبحني الجوووع قلت خلني امر حدى هالمحطات واشتري لي شي اكله
<--- اكل والى شاحن


المهم نزلت للسوبرماركت اشتري الاغراض

في هالللحظه (يوووه احس انكم منسجمين ) المهم هو نزل من السياره ريح دورة المياه الله يكرم من يقرى

جيتك انا وخشتي وعشقت السياره ومسيت على بالي انه نايم ورى

المهم خاااش جو مع 902

<------ايه ماعليه 902

والمسكين هو من قرادة حظه توووه انفصل جواله استقبال ولا فيه غير الهنووود مافيه الى واحد معه جوال قال وكي اعطيك تكلم بس اشحن الجوال لانه مافيه رصيد ولا يه غير بطاقة شحن الى بــ 100 ريال وهو مافي جيبه كاش الى خمسين ريال وتعرفووون ماشاء الله المحطات في الطررريق كثيره مرره


الهندي وصخ فيه رصيد لاكن يبي يستفيد


اخر شي رحم حالته قاله جيب خمسين وكلم مافي مكشله

المهم بعد ساعتين اقنعه انه يدق

دق علي وطبعا كنت انتظاااار


كالعاده رقم غريب طنش


لين دز مسج

<---- هو غبي لو انه مرسل من اووول



المهم يوم رديت اول كلمه قالها لي (.................................... الخ ) قامووس من الدعوات


ورجعت




تحياتي