-
LOVING TONGUE
- معدل تقييم المستوى
- 1
يا لـعـنـبـوها بـالجروح اثـقـلـتـنـي ..
[align=center]السـلام عليكم ورحمـة الله وبركـاتـه ...
تحيـة طيبــة لكـل الاعضاء
هـذي قصـيدة قريتها اعجـبتـنـي وحبـيت انـكـم تشـاركـونـي هـالأعـجـاب
****************************
صدفـه أقَلّـب بيـن صفحـات الأوراق
في ساعـة(ن) مـرت علـي هيضتنـي
لقيـت منديلـه وأثـر دمعـة فــراق
طاحـت بآخـر مـرة (ن) وادعتـنـي
وقريت عهد الحـب وحـروف ميثـاق
وتوقيعـهـا يــوم إنـهـا عاهدتـنـي
يوم إنها جتني علـى نبـض الأشـواق
ذيـك السنيـن اللـي بـهـا قابلتـنـي
يـوم المشاعـر يمهـا غصـب تنسـاق
يوم إنـي أعطيهـا مثـل مـا عطتنـي
ذكرتهـا والحـزن مغرقنـي إغــراق
يـومـي مقـدرهـا .. ولا قدرتـنـي
وهليـت أنادمع(ن)علـى الخـد حـراق
أبكي على اللـي مـن شقاهـا سقتنـي
أغليتهـا والقلـب مــن همـهـا ذاق
وثقـت فيهـا لـلأسـف وإهجرتـنـي
كانت تقـول إنـي زرعتـك بالأعمـاق
ومـن طيبتـي قلـت المهـاة إعشقتنـي
متعـود(ن) قلبـه علـى الغـدر بـواق
يالعنبوهـا 0000 بالجـروح أثقلتـنـي
شمس(ن)ٍ حجبها الغيم عن صبح الأشراق
طفلـه علـى كـف التعاسـه رمتـنـي
راحت كما روح(ن) مـع الليـل بـراق
باعـت غـلا قلبـي :عقـب ماشرتنـي
واليوم لو تاصـل إلـى قطـع الأعنـاق
وراسي لو إنه طاح مـن فـوق متنـي
والله مأرجع لـو عليهـا الفضـا ضـاق
حلفـت لا أنساهـا مـثـل مانستـنـي
ووالله لا أحرق قلبهـا بالجفـا إحـراق
خـلاص مابيهـا عـقـب ماتركتـنـي
قولوا لهـا : لا تحلـم بلحظـة أعنـاق
هــذاك أول : أنتـخـي لا إنتختـنـي
قولوا لها :عاشـق سطـع لـه بالآفـاق
نجمـة غـلا .. حظنتهـا وإحظنتـنـي
بنت (ن) غلاها بيـن الأضـلاع دفـاق
ومن بحـر حزنـي والعـذاب إنقذتنـي
قالت تعـال إسكـن بقلبـي والأحـداق
تــراي مثـلـك دنيـتـي عذبتـنـي
قلت :الحقيقـه خاطـري مـا بعـد راق
خايـف أعيـد التجربـه .. وقاطعتنـي
قالت :طلبتـك خافقـي حيـل مشتـاق
يشرب وفاك .. وصَّـدت.. وفاجأتنـي
يومه بكت وأسترسلـت تشهـق إشهـاق
تبكـي تـقـول إن الحـيـاة أتعبتـنـي
تعبـت يـا عاشـق ويبسـنّ الأريــاق
مواقـف(ن) مـرت علـيّ حطمتـنـي
قلت : إبشري بالخيـر يانـور الأشفـاق
وحي الظروف اللـي معـاك إجمعتنـي
ومـن يومهـا والقلـب بالحـب خفـاق
فـي حـب منهـي بالحنـان أغرقتنـي
***********************************
تحياتي/
ق ص ي م ي
ي ج ر ح
و
ي د ا و ي[/align]
-
... عضو مـاسي ...
- معدل تقييم المستوى
- 2
قصيمي يجرح ويداوي
الله الله الله
صح نبضك
وصح لسااااااااان شاعرها
لاهنت على هذا النقل الرائع
دمت بود
-
LOVING TONGUE
- معدل تقييم المستوى
- 1
[align=center]اشكرك اخوي نواف على الرد
تحياتي/
قصيمي يجرح ويداوي[/align]
-
... عضو مـاسي ...
- معدل تقييم المستوى
- 2
سلمت يمناك اخوي قصيمي وصح لسان قايلها
ابيات ........قمه..... احساس صادق يخاطب الروح
لاعدمناك اخوي....يعطيك العافيه
اختك صمـــ البوح ـــــت
-
LOVING TONGUE
- معدل تقييم المستوى
- 1
صمـــ البوح ـــــت
اشكرررررك على الرد
تحياتي/
قصيمي يجرح ويداوي
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
مواقع النشر (المفضلة)