[frame="6 80"][align=center]تمنيت الزمن يرجـع واعيـشـه بـكـل إحسـاسـي
تمنيتـه يرجّـع لـي علـى مـا فـات مـن عـمري


أبي مثل الطفـل ألعـب وسـط أهلـي وسـط ناسـي
لأني بحضن أحبابي عشقـت الحلـم مـن صغـري


أحـب الشـمس والنجـمة إذا حاطوني جـلاسـي
بــراءة تلـمـع بعيـنـي إذا مـثـل الـطـفـل أجــري


أنا جيت اسأل ايامي عن الماضي وعـن ساسي
تلاشت كـل أحلامـي وتلاشى عالمي السحـري


وظليت اندب اوجاعي واعاتب دهـري القاسي
سشـوي يـا دهر قـلي انـا محـتار فـي أمـري


إذا غـلطـان جـاوبـنـي وذكـرنـي إذا نــاسـي
صدودك أحسبـه غلطة بحياتي وآنـا مـا أدري


أنـا الحرمان ضيعـني وصـار الـهـم بانفـاسـي
أنا كل الصبر شلته ومل الصبر من صبري


أنـا كـاس الألم ذقته وهـذا الكاس مو كاسـي
جرعتـه سم بعروقي وبقى بـالروح يستشري


وهن عظمي وذبل عودي وشب النار في راسـي
كبرت وصارت أحمالي ثقيلـة ومـا رحـم دهـري


أخـاف اليأس يذبحنـي يهـد عزمـي ويفل باسي
أخاف القدر يغدر بـي ويزيـد الهـم فـي صـدري


الى من أشتكي أمـري على حزنـي وهوجاسـي
نشف دمعي في عيوني ولكن ما نشـف حبـري


مثل سيل الحمـم يقطر على كـفي وقرطـاسي
ولا غير الورق يسمـع أنينـي ووحدتـي وشعـري


مـن يعـيـد ابتسامـاتـي وقلـبـي مــن لــه يـواسـي
قبـل مـا تذبـل عروقـي قبـل مـا يختـفـي فـجـري


دخيلـك يـا دهـر إرجـع ورجّــع بالـهـوى نـاسـي
أبـي أرتـاح مـن هـمي ياليتـه ينطـفي جـمـري


نفـذ كـل الـذي عـنـدي وجيـتك أعـلـن افـلاسـي
دخيلك يازمـــن ارحــم ورجع بـسمتي لثغري
رهين الوقت[/align][/frame]