يووميات منيشــــن

[مــجرم بــس أخــلاق..]

[size=6]يوميات منيشن في باريس[/size]
هذا يابنيات أنا يومن من الأيام خبركن قوبل أتسردح وأتمردح بهالحوش ماعندي غيروه

..وكنت جالستن أغسل شبك الدجاج الي حاطينوه فوق تانكي الماء وأنا أرقى وأغسل الشبك

وأنا أوحي هالبنيات الي ماغير يظحكن ويكركرن وأنا ماغير راقعتن الشمس وأنا فوق التانكي >>>>تعرفون امي مايحلاله أغسل الحوش ألا بعز القايله

المهم نرجع للزبده ..وألا أنا أسمع البنات يسولفن عن شين يقاله باريس ماادري ماريس
>>>>تعرفونن عاد انا السمع عندي واللهنه <<<أخوي وانا صغيره باخقن أذني بعود الله مير يصلحوه ..

وأنا من يوم أوحيت باريس وانا ألزق اذني بالجدار أتسمع وش هن يقولن وانا تسبدي تفرك
>>>>بلاغة قصمان
وأنا مسيكينه ياويلي طاح حظي ما قدرت أتسمع عليهن الله بس مير يهديهن دخلن البيت قبل أكمل السالفه وأوحيه كله

وعا يوم جاء من باتسر وأمي تعزم الجيران ويجن بنات جيرانا وانا عاد يوم اني شفتهم وأهج كشرتي من الوناسه بعرف سالفة باريس
وبنات جيرانا ذولا متمدنات مب مثلي طاح حظي أمي الله يهديه مسميتن منيشن على جدة أمه الله يرحمه
ولا بنات جيرانا أساميهن تاله وياره <<<متمدنات ولا
المهم اني ماصبرت ومسكتهن وقمت أنشدهن عن باريس ويوم أنهن قالن لي وشي وأنا أنهبل مادريت أنه تسذا أنا منول أحسبه قريت على طريق القصيم تعرفون أنا أبعد شين وصلتلوه عنيزه ومرتن رحنا للمجمعه عشان خالة جده امي كانت عازتنا على العشاء

وعاد يوم أنهن قصن علي وشي باريس وأنا أشتب وش حيثنهن ميسون يروحن للباريس وأنا لاء ناقصتن أيد ولا رجل يااااكااافي وانا أروح وأشب على أبوي وأنشب بحلطزوه ألا تودين للباريس وأبوي يقولي يامنيشن تعرفين تحتسين مثلهم ..


أنا أعجبتكم راح أكتبلكم يوميات منيشن الجزء الثاني
-- --

ونكتسمل السالفه أيه يومن أبوي سألن يامنيشن تعرفين تحتسين مثلهم وأنا أقوم وأطير عيوني مترين قدام هوووو وراه بوه ناس مايحتسون مثلنا ياكافااي مادريت

<<<<ماتنلام أخر مكان وصلتلوه سسطح بيتهم

المهم أنوه أبوي عيا يودين للباريس بس أنه يومن انوه عيا ماتحملت الصدمه الحين لي أسبوع وأنا أخذرف بهالباريس وتفرك تسبدي ودي أشوفه ويعيي بس منيشن مافقدت الأمل جلست ناشبتن بحلطزوه أسبوع وأنا أصيح قبال خشته لين أنوه تفل العافيه ووافق بالاخير
عاد أنا يومن أبوي وافق قامت الأرض تدوربي من الوناسه وحسيت أنا الأرض ميب شايلتن خلاص
وقلت بنفسي وأخيرا يامنيشن تبي تشوفين شين غير حوش الغنم الي أنتي عايشتن بوه

وأنا عاد ماصدقت خبر اني بطس من هالعشه وأروح وأطير للدولاب أطلع البقشه حقت الهدوم <<<<

بس أمي الله مير يهديه راميتن البقشه بأقصى الدولاب تكسرت خمس وخمسين كسره عشان أطلعوه
عاااد الله وهالهدوم الي بخاخذهن الدعوه مقطعين وسروال خط البلده <<<<لاه ومتقاطين بوه انا وأختي كل وحده تلبسوه أسبوع
المهم ويجي اليوم النتظر يوم السفره وتجي لمنا بنت الجيران عشان تسلم علي قبل ما أروح
وتشوفن كاشخه بالمقطع الي كله يتبالص مشغول بزري أحمر وهذا جدي مسويتوه لي
يوم زواج بنت خالتي قبل خمس سنين بس أنوه صغر علي شوي هو صدز ان السحاب عيا يصك بس ميخالف أهم شيء الأخلاق
بس البنت قامت تهاوشن وانا عاد تفشلت وغدى وجهي تقل قفره من الفشيله وتقولي لا ذا مايراح بوه للباريس ..وتجي وتاخذن للسوق وتقضيلي من هالهدوم الي يقاله جينزات لي سنه وأنا اتحفظ أساميهن وعجزت
وتجي الساعه تسع وأقوم وأتلبس وتحزم بهالبنطلون الي عجزت ألبسه ياقلتبوه ياما رفعتوه المهم أني أبتلشت بهالبنطلون لين أني لبستوه
وأقوم وأظف عفشي وننطليدز للمطار

ويوم أننا وصلنا للمطار وأنزل وعاد أنا تسنت فاطستن من الجوع ماطب أوفي شين عقب مطازيز الغداء أمي طابغتوه على قرع يهبل والله
وعاد ويعلنون عن الرحله بالميقرفون وأنا أنقز من الكرسي أنهبلت وأقوم أجرجر أخواني
الله مير يهديهم تسدحو على الكراسي وناموا من كثر ماتحرينا الرحله وعاد أخواني نوموهم ثقيطزيل لو تجي بقرة تمعا عند أذونوهم ماقامو ..

المهم أنهم قالو أن الرحله تأخرت لأن الطياره مابه بانزين <<<<ياويلي أجل هي سياره مايعرفون هالظعيفين وانا أقوم أكركر عليهم بس بالأخير قمت مسكت كشرتي خفت يرقعن الرجل

وتركب منيشن الطياره وهي رافعتن خشته وخرور عنه ولا كوين أليزابيث

ونكمل الجزء الثالث قريبا
-- -- --

ويوم أني رتسبت الطياره طبعا أنا ماأدري وين الله حاطن وتجين هكالوحده الي الهم ياكافي مطلعتن كراعينه يقاله النظيفه وتجلسن على الكرسي وأنا ماأدري وش السالفه وتجي وتهرج علي هرجن والله أني ما ادري وشو وانا بس اهز راسي ماأدري وش أقوله

وحنا عاد من شيانة الحظ جادعينن كل وحادن منا بشنق وانا قعدون جنب واحدن الله لايوريكم أبيض حمر بس أنه لاقام يهرج علي ماادري وش هو يقول بس أنوه بالأخير فغا راسي اللع يفغا راسه

وتجي النظيفه وتحتسي علي وتقولل وش أسمتس بالأنجليزي المهم أني جلست نص ساعه لين اني فهمت وش تبي ثمن قلتله ان أسمي منيشن وجازله أسمي تصدقون مع أني داريتن أنه تجاملن ولا بوه أحدن بالكره الأرضيه يجوزلوه أسم جدة أمي الله بس يهديه أمي كل ماأخبر انه سمتن منيشن
المهم وقالتلي المظيفه أربط الحزام عشان نبي نسري وأنا أقوله أنشاءالله

وأنا أتسذب لأني ماأدري وشو الحزام وأجلس أحوس وأدوس لين أني لقيتوه وأقوم أمسكوه هو صدز أني ليقتوه بس عاد ماأدري وشلون أقولبوه وأقوم واتذهين وأرعص الزر حق النظيفه وتجي وأحتسي عليه وأسأله وشلون أقول بهالحزام بس ماش ماعرفت ويغدي وجهي تقل طماطه من الحيا وانا أقوللروحي يامنيشن أذا الحزام ماعرفتي يلوه أجل وش تبي تسوين لاوصلتي باريس

وأخيرا عرفت أربط الحزام بعد ماتكسرت أيديني ورجليني <<<وش دخل رجليني بالموضوع
والمهم همن قالو دعاء السفر وأنا أقول معهم وأتحفظوه بس عجزت ويوم أنه قضا وأنا أبدى ألبي وهمن
تفطنت أننا ماحنب بالحج

وهمن أعلنو أن لطياره تبي تطير الحين وانا أنهبل مادريت أن الطياره تطير بالسما أحسبه تمشي على الأرض
من زود الدباشه ..وأقوم وأتمسك بالكرسي وأغمض عيوني وتيجي نص وأنا متمستن بالكرسي أحتري متى يطير الكرسي ماش تباطيتوهم وأقوم وأفتح عيوني والا أسمع الطيار يقول أننا لنا نص ساعه وحنا نطير بالأجواء وأقوم وأهج كشرتي من الوناسه فرحت اني ماطرت من الكرسي

ويمر الوقت وأنا جان النوم بس أتحرى العشا وتجي الي يقاله النظيفه وتدف العربيه عقت العشاء ويوم أني شفته وأنقز من الكرسي أبفزع معه للتوزيع العشاء ويقوم أخوي ويقزن من بعد كيلوين ويلحقن ويجرن من شوشتي للكرسي ويقولي أنثبري بالكرسي ولا عاد أشوفتس متحركتن منوه
وأقوم وأشره عليه وأجلس أصيح لي نص ساعه طبعا مب صدز بس تسذا دموع تماسيح قلت قلعتوه خليه يحس بتأنيب الضمير عشان مايفشلن قدام الله وخلقه وأنا ناقصتن فشايل

-- -- --

المهم ويمر الوقت والرحله طويله وأنا بي نوم عجزت أقاوم بس مستحيتن أنام من الي جنبي خفت وأنا نيمه أطخه ولا مايدري وأصبعي بوسط عينه <<<<<ماعليه شرهه عايشتن بوسط عنم
وأنا بعد من النوع الي يتقلب واجد قلت الحين يلقونن واصلتن غرفة الطياره من كثر التقلب
ومر الوقت ودقت الساعه <<<حافظته من فلم ونقرب من باريس ويعلن الكابتن ويقول بقى دقايق على الهبوط وبدى قلبي يقرقع تقلون خراشتن بوسط علبة نيدو
وأشوف الناس قامو يفتحون درايشهم وأنا تسبدي تفرك وأدي أفتح دريشتي بس ما أقدر لأن الله يهديه الرجل منسدح وحاطن راسوه على الدريشه وهمن قلت بس ماعليتس يامنيشن وأقوم وأقمز وأفصخ مير الحيا مرتن وحده <<<ميخالف همانا بباريس
وأنا أنهبل بغا يغما علي يوم يأنا شفت شين هوالات لاعلى البال ولا على الخاطر
خضار يالله من فضللك ودنيا <<<<تعرفونن ماقد شفت الأخبري نخلة جدي الي مصفرتن له خمسين سنه
وهمن يوم ان الطياره وقفت ويجي أبوي كان راكبن بالسلم الأول لا قصدي الدرجه الأولى وانا جادعن بالسياحيه ياويلي ماكني بنت لوه <<<<هذا وهو مسفره لباريس
المهم أنه قالي يله ضفي عفشتس خل ننزل بس المشكله أني ضيعت شبشبي مالقيت ألا فردتن وحده
وقلت الشكوى لله ماكتبلي أني أكشخ وانا نازله


معليش حومت أكبادكم ماوصلت ماصارت صار مسلسل مكسيكي بس عشان أنا متضايقه شوي ومالي خلق أكتب فسامحوني على القصور

-- -- --

المهم اننا وصلنا للباريس بعد عمرن طويل وجينا نبي نزل من الطياره بس خبركم انا قايلتلكم أن شبشبتي ضاعت عشان تسذا عيت أنزل بس أنا كنت جاحدتن عنكم السبب الحقيقي وهو اني وانا اكل خبركم العشاء أنكب علي شاهي وتوصخت عباتي قمت وفصخته ويوم جينا ننزل ويقولي أبوي وين العباة يامنيشن وقلتله ضاعت يبه وانا أهك عليه لافزته تحت الكرسي ماودي ألبسه وهمن جلسنا أنا وأبوي نتهاوش لنا ساعه بالطياره وهو يقولي فتشي على العباة وانا معييه المهم أنه فقد الأمل وبعدين قالي أنزلي تتلفلفي بجلال الصلاة ويوم عاد قالي جلال الصلااة وأقوم أرغي عليه وأشغل الونان لا ماابي يبه ماودي اتفشل همن عاد وافق بالأخير وأنا ماصدقت عاد خبر أني بنزل بدون عباة أصلا بعد ماكرشتنا النظيفه من الطياره

وأجي وانزل مع درج الطياره واول ماحطيت رجلي على الدرجه وأتكرفس وأمسط على خشتي وبس عاد ماهمن واقوم بكل ثقتن مرتن ثانيه ولا كأن صار شيء وأهج كشرتي عل الأخر من الوناسه

ودخلنا للمطار ياويلي ويلاااه وشو ذا هوالااات مير أنا بغى يغمى علي من زينوه عجزت أمشيء ماصدقت اني بباريز ونروح نجيب العفش وأروح أفتش على قفشتي أصلا مميزه مابووه بكل باريز أحدن مثلنا
ونضف العفش ونمشي للفوندق

وصلنا للفوندق مير وش هكالفوندق يهبل وعليهم بلاط ماقد شفت مثلوه يتبالاص وعجزت امسك روحي وأقوم وأجرجر اخواني ونقوم نتزحلق على البلاط وطبعا فصخت شبشبتي لأن ماكان بوه غير فردتن وحده
ويقزنا أبوي من بعيد ويجي يركض وشو ي ويمسط من قوة الركضه ويمسكن مع شوشتي ويمعط أذاني ويقول الا انا المهبول الي أجيبكم للباريس أنتم كفوكم مزرعة خريم على طريق عنيزه

المهم بهد ماشبعت هواش من أبوي ومخانق رقينا للغرفه ونركب شين يقالوه الأصانصير بس وشو شين يروع طاح قلبي وأنا راتسبتوه قمت ولزقت بالحديده الي بأخر الأصانصير وخدى وجهي تقل ليمون من الروعه وصلنا وعجزت انزل لازقتن بالجدار يلله يلله سحبون اخواني ونزلون منوه

وجينا لم الغرفه وطلع أبوي المفتاح طارت عيوني وشو ذا ياربي مهوب مفتاحن مثل الي خبركم حديد لااااا شين مستطيل تقل بطاقة صرراف بنك طبعا انا ماعرف البنوك لكن هذا عمي هو الي فاتحلوه حسابن بالبنك وقد شفت بطاقتوه ولا حنا نغبي القروش تحت الفرشات ولا نلفزه بوسط السقف ماعندنا شين أسموه بنوك ماهنا ثقه ..

أن شاءالله أكملكم الأجزاء الباقيه بس أذا أعجبكم الجزء :1ar: :1ar:

[حنـوُن بجنـونْ]

يعطيك العافية أخوي مجرم بس أخلاق

بصراحة أنا سعيد جداً بمشاركتك معانا

ولكن فيه مشاكل تبعد الأعضاء عن قرأت موضوعك

لازم تحلها إنت بنفسك أهمها

أول شي الموضوع الطويل مررررررة يجيب الملل

ثاني شيء الأسلوب وهذا أهم شيء (ما قلت عن أسلوبك إنه مو شي)

والباقي ما فيه مجال لذكرها هنا

يعطيك العافية على المشاركة ونحن بانتظار مشاركاتك القادمة

[الــــرحــــال]

أن شاءالله أكملكم الأجزاء الباقيه بس أذا أعجبكم الجزء




عيوني راحت بخبر كــــانـــــــــا
وش بك ياحيي كل هذا موضوع كان طولتــه اشوي وقلت لنا الاجزاء الباقيــــه














عيوني عورتني



الرحـــــــــــال
زاحف منتدى الزين