********أفــــــراح الدمـــــوع*******
[align=center]
حينما تخضع الروح وتتوه في غياهب العذاب والألم...
وعندما تصرخ الدموع ,,,ويبكي القلب على من لايعرف الحب تيئس المشاعر من الحياة,
وفي فسحه الأمل يلوح بأفق الغرام بروق الحب الصاادق الأكيد ليشفي جروح من أحببنا
ولكنه لم يحس بذلك الحب وعلى صدى الذكرى تنسااب الحروف,,, معلنه
أفـــــــــــراح الدمـــــــوع
مال خاطري بلحظـة سكونـه
وسالت الذكرى بنزف الجروح
جرحني الوقت باقسى طعونـه
شفت موتـي والمنايـا تلـوح
عشت حرماني باضيق سجونه
اصارع همّي وفرحي شحـوح
بذاك الزمـان اللـي يذكرونـه
انعمت عيوني دون الوضـوح
صـرت اتبـع درب ٍ يتبعونـه
فيه دمـوع ٍ تسكـب ماتبـوح
ف..وهم السراب اللي يطردونه
تعالى صوت ٍ بالهـم مبحـوح
وين حب ٍ له نفوس مرهونـه
وين حب ٍ به خافقي مجـروح
خسران ياللي حبّـك تصونـه
لاصار صاحبك مالـه طمـوح
وفي صدمة الواقـع وجنونـه
نويت أرحـل لعالمـي وأروح
لـولا شدنـي نظـرة حنونـه
بعد ياسي صار حظي سمـوح
ياويلي لاوصل ضـي عيونـه
أهيم في بحر غرامـه سبـوح
وبيـن قلبـي وتالـي شجونـه
مال خاطري بذكرى الجـروح [/align]
رد مع اقتباس
مواقع النشر (المفضلة)