خسارة الحب..ماتستاهل أختارك
خسارة أغليك..وأثني عزّتي دونك
من آخر الجرح جيتك..هاك تذكارك
آخر قصيدة..كتبها الجرح لعيونك
غرورك اللي رقى بك..فوق مقدارك
انا اطلب الله يجي له يوم..ويخونك
أنا أول اللي حيّاك..وهام بأشعارك
وأنا آخر اللي يموت لاجل يحيّونك
مليت أنا أرضى بجفاك.وبارد أعذارك
مليت أمد النظر..وتهينه غبونك
مصير وقتك يبور..وتذبل أزهارك
ومصير كل الجروح الحمر ينسونك
واليوم يا الجرح..والله لآخذ بثارك
وأسقيك من دم قلبٍ خيّب ظنونك
خلّه ترى اللي حصل من لعنة أقدارك
وإرحل مع اللي يحبك وصل..ويصونك
وما جيت أبنشد عن الهجران وأخبارك
جيتك أبسألك بعد الجرح وشلونك؟
منقول
:2ar: تقبلوو فايق احترامي وخالص شكري :2ar:
مواقع النشر (المفضلة)