كيف تتعامل مع سن المراهقه؟
السلام عليكم ورحمت الله وبركاته
في واحد من اصحابي يشتكي ولده مراهق عمره 17 سنه
يقول الولد هذه جنني ماني عارف كيف اتفاهم معاه ماهو راضي يذاكر ولا هو راضي يخدمنا كل همه الانترنت والكوره
يقول في يوم من الأيام خلصت شغلي ورحت البيت وصلت البيت الساعه ثلاثه الظهر
ناديت عليه قولت له يابدر تعال سالته ليش مارحت المدرسه اليوم قال: تعبان
قولت له: ماشالله مافيك الاالعافيه قال: بصراحه مالي نفس.
قولت اسمع ياولدي انت عندك مشكله عندك شي زعلا مني انا عمري غلط معاك في شي احد من اخوانك مزعلك
قال: لا
قولت له: اجل وش فيك منت طايقنا جلس ساكت ماتكلم.
في يوم من الايام المدرسه طلبتني استدعاء
رحت المدرسه وقابلت المرشد الطلابي قولت له: السلام عليكم
قال: وعليكم السلام احنا طلبناك عشان ولدك ولا دفتر عنده كامل وجاء مدرس التاريخ عندنا يشتكي منه ونادينا الولد من فصله
سأله المرشد الطلاب ليش ماسويت الواجب
قال الطالب: ماني فاضي ماعندي وقت
المرشد سأله من الساعه 2 الظهر الى الساعه 4 وينك يقول:نايم
سأله المرشد: طيب من الساعه 4 العصر الى اذان المغرب وينك
قال:في الشارع العب كوره.
قال طيب من اذان المغرب الى اذان العشاء وينك قال: على الانترنت
قال له طيب وبعد العشاء
قال: في هذه الوقت اكون نايم عشان المدرسه.
طيب والحل ياجماعة الخير مع سن المراهقه ترى هذه المرحله حساسه جدآ
ابي اسمع رايكم وشكرآ.
مواقع النشر (المفضلة)