تواضعو واقرو بس الله يرفع مقداركم بالشهر الفضيل
لــ خالد بن علي
(عناد كاتب)
لا تضنيني بعاجز
لا تضنينـي بعاجـز فـي قـراري
أو أخاف الليل وحسب لـه حسـاب
ذي شموسي دايماً تضـوي ديـاري
في وجود الأرض تشعلنـي شهـاب
ما عرفتي هي يميني مـن يسـاري
هاك بعضك وش تشوفي في الضباب
لو فهمتـي ليـه إجنونـك يـداري
ضيم وجدك في مروجك والهضـاب
تنتهي بيـدي وتبـدي بانتصـاري
لو تطولي شمس بيدك هي سـراب
من مزوني ترتوي فيـك البـراري
بي أنـا وتفـوح أنفاسـك طيـاب
وان قدرتـي تهزمينـي باختيـاري
إفهمي فوقـي بلاكـي باضطـراب
وان وصلتي فوق عالـي باقتـداري
أجمعـك ديـره وبعثركـي خـراب
وان مشيتي ألف عـامٍ بانتظـاري
تحت ظلّـي واقفـة بيـن التـراب
تسألين الصبح عن آخـر نهـاري
وين عنّـك ناظـري بعـد الركـاب
إبـصقيع الموت أخلق لي مسـاري
أقهـر الدنيـا وروّضهـا صـواب
أخضع العالم لأمري هـو شعـاري
ما تحطّمنـي جيوشـك والصعـاب
رد مع اقتباس
مواقع النشر (المفضلة)