مغازل ايام زمان
الأولين الله يغفرلهم ويعفا عنهم كان غزلهم شكل ثاني كان راقي وعلى مستو خيالي
البنات يفقفقون معهم ، واحد من أسلافي الأولين كان هو ويأ الشاعر المتنبي ابو خشم24
ساعة دوران في مضارب بني عبس وسمرقند ومجمع الراشد ، وكان جدي أيامها توه مطلع
جمل من لكزس وكان ذاك الجمل له موصفات غريبة عجيبة لدرجة ان كليب بن مره
لماشافه طقته الغيره وراح يدخل الجمل حقه "ماي جمل(كار)" عشان يعدلون
وجهيته ويرشونه بويه زي جمل جدي ، المهم ان المتنبي ذاك اليوم كان متسلف
الجمل حق جدي عشانه كوبيه وملمع خفوفه وطالع يدور فيع بالخبر وشاف ذيك
الجارية اللي تقطع القلب كانت راكبه حمار بيك أب ومتقضيه سمن واقط وطحين
وتمر وكرون فليكس وتوكس وكتكات، ورايحة لمجمع الراشد تشتري أغراض ناقصتها قام وكع
لمتنبي ابو خشم فرامل بغى يعدم فحمات البعير وقال - ذيك القصيده تخلي الواحد يبكي
من غير مايحس ويقول في مطلعها
آه يالاسمر يازين...........الشوق امرني أطيعك وانسى خلاني
وجا بيطلع المعروض من الدرج علشان يرقمها بس مفتاح الدرج حق الجمل كان مع جدي قام
ودق بيجر على جدي عشان يجيه عند مجمع الراشد ،طبعا بتستغربون وشلون ذاك
الوقت كان عندهم بياجر أنا اقولكم كيف ... من أول كان فيه محل عند المخازن في
الخبر
اسمه مشاعر الخليج وكان هو الوكيل الحصري لشركة
نوكيا اليابنية وكانو يبرمجون البريصعي على موجات تحت الحمراء وجنب
البنفسجية وفوق الفسفورية بحيث انك اذا دعست على ذيل البريعصي وقلت اسم
خويك على طول البريعصي اللي عند خويك يقعد يتقلب ويتاغر واذا قلبته تلقى
مكتوب على بطنه اسم الي داق عليك بريعصي (بيجر) مرفق بعيارته ، المهم يوم
طلعه ويلقى مكتوب على بطنه المتنبي وبين قوسين ابو خشم . قام على طول راح
الكبينة عشان يتصل على جوال المتنبي لأن ابو جدي كان فاصل الصفر من تليفون
البيت من كثر مامتحنه جدي بخط الصداقة.
عاد يوم دق جوال المتنبي كان مبرمج الدقة على صوت عنز مشلوله وقعد الجوال يقول
باااااااع ...... رد عليه وقال لجدي الحين تجيني مجمع الراشد باسرع
مايمكن قام جدي خذى الجمل واجن حق البيت ودز للخبر عند مجمع الراشد
بأسرع مايمكن ، وشاف المتنبي مشغل الفلشر ويحتريه عند الصراف الالي ، راحله
جدي وقال خير يابو خشم وش فيك ،قام قاله المتنبي ابو خشم والله ياشفتلك ذيك الموووت
اللي لابسه عبايه مخصره دخلت المجمع قبل شوي وكنت أبي ارقمها بس المعروض في
الدرج والمفتاح معك ، قام جدي وطلع المفتاح وخذوا المعروض ودخلوا وراها
السوق حاولوا يكلمونها بس ماعطتهم وجه ، وقعد المتنبي ابو خشم يتميلح ويسوي ولد
نعمه وقال للجارية ماودك يازين البنات ندفع عنك الحساب ، التفتت وقالت بلى
يازين الشباب ان كان ودك تروح الكاشير وتدفع ماعندي مانع وكان المتنبي
ايامها مخلص المتوسطة وداج ماعنده شغل قام غمز لجدي وقاله جيب دفتر
الشيكات من البعير قام جدي وتوهق ماعاد يدري شيسوي ، وقعد يدور
في الجمل واجن حق اهله ولقى بطاقة الصراف حقت ابوه وكان حافظ الرقم السري
وبطاقات الصراف وقتهم كانت قطعة جلد منقوش عليه بنك الرمحي المصرفي واسم
صاحب البطاقة مطبوع عليها باللغتين العربية والفارسية ، قام جدي حط
البطاقة في الصراف وطلب الرقم السري المكون من اربع خانات ، قام جدي أدخل
الرقم التالي : عضمه - بعير - بعير - طاسه.وطلعت على شاشة الصراف نأسف الرقم
السري غير صحيح، راجع البنك لاستلام
البطاقة ، وانسحبت البطاقة منه وقعد بها جدي ويوم رجع للمتنبي لقاه محاسب
وخالص قاله جدي من وين لك قروش يابو خشم ، قاله المتنبي الفيزا حقت خويي
ناسيها معي وقعدوا يشيلون الاغراض ويحملونها في الحمار بيك أب حقت
الجارية ، واثناء ذلك طلع لهم أخو جدي اللي كان مرقم الجارية في الويك اند
اليي فات وقالهم خير ياشباب وش جايبكم عند خويتي تحتكون فيها قال جدي هذي
مهي خويتك هذي الجارية فرند حقت المتنبي وبداء الملاقط ومافكتهم إلا مكافحة
الشغب ومن حينها هاجروا اجدادي إلى البرازيل وصاروا متزاعلين بسبب الجارية.
صحيح الغزل وقتهم راقي بس نهايته للاسف مؤلمه الله يعينهم ويعينكم على ابو خشم
ملاحظة : أبو خشم ترى يبي يطلع قبل الدجال بكم يوم
وفيه مصدر يقول ان حمار الجاريه رفسه ومايدرون وين اختفى
ههههههه
تحياااااااااتي
للامانه منقول
مواقع النشر (المفضلة)