قصايد ياخساره
يا خسارة حبنا فيكم حرام واتضح لي معدنك على العموم
ما على شوقك ولا حبك ملام الملامه هي على قلبي ألوم
لو نسيتك من حياتي والسلام نعمة النسيان من ربي الرحوم
من ترى يتحملك بد الأنام غير قلبي انت عندك عزوم
كنت قبلي كنت عايش في ظلام كنت في بحر الهلاك ولا تعوم
انتبه واحذر من وشاي الريام قبلك يونا يعل عمرك يدوم
اشفق على حالك وحال الابتسام وانت عقبي صدق بتعيش بهموم
كيف تطفي شمعة احلام الوئام عقب هذا الشهد تسقيني هموم
عبر انغام المغني والكلام الحب يتجدد مع غيرك لزوم
عيش مع غيري وجرب والختام لا تفكر رجعتك في اي يوم
ياخسارة حبنا فيكم حرام واتضح لي معدنك على العموم
ماعلى شوقك ولا حبك ملام والملامه هي على قلبي ألوم
# 2يا من اخذت القلب
يــا مـن أخــذت القلب والروح ويـاك
لا تفتكر في يــوم أبعـد وأخليك
مــا ذقت طعم الحب ياشوق لولاك
كل الهنا شفته بنظــرات عينيك
اشغـلتـنـي مـــــن بـد ذولا وذولاك
دايـم بك مولــع وفكري يحــاتيك
واعلم ترى محد ٍ حبيبي بيسـواك
قلب رخص غيرك وبالحيل شاريك
أزعل لزعلك وأشتري بعمري رضاك
يامصدر الهامي ترى العمر يفديك
حبك بعيني وشاغل البال ذكراك
طيفـك يراودني وقـلبي ينـــاديك
# 3لأجل عينك
لاجل عينك كل شي لك رضيت بس ودي شوفة الرمش الكحيل
لك حياة الروح باشواقي صفيت وانت بوصلك على قلبي طويل
لا تقول انك عن احوالي نسيت ولك دموع العين لك دايم تسيل
لو بغيت الروح روحي لك هديتل ك حياة الروح ترخص يالخليل
ياحبيب العمر دام اني حبيت مستحيل انسى عيونك مستحيل
# 4ما تبيني ادري انك ما تبيني
ما تبيني ادري انك ما تبيني وادري اني فارض عشقي عليك
طير واكفخ بالجناح ولا تجيني وش عليه اذا بكت نفسي تبيك
كم بهالدنيا بشر متفارقيني باتحمله الفراق ولا عليك
العشق مثل المرض فتاك فيني البعاد افضل ولا اظل احتريك
رح وربي يسامحك يا نور عيني من لقلب كم لعشقك يرتجيك
# 5فرصة سعيده جمعتنا على خير
فرصه سعيده وافترقنا على خير
كنت اتمنى تكون قسمة حياتي
هذا نصيبي ولي جنت هالمقادير
تبعد وانا ابعد في سكون وسكاتي
حاولت أداري واملك الحب لا يطير
لكن جروحه في الصدر دامياتي
دون السبب ماتت جميع المعاذير
لاحول ياحب غدا بالشتات
يحب يتيم ذوبته التفاكير
ماتت غصونه وانتهى بالفواتي
والله لو يشكي الجفن بالتعاسير
لا كان يشكي دمع جرّح شفاتي
ذكراك هذه وانتهت دون تفسير
صارت تسمى ماضي في ذكرياتي
فرصة سعيده جمعتنا على خير
خلك بقايا ساكنه ماضياتي
رد مع اقتباس
مواقع النشر (المفضلة)