وصفتـك يالغضي

[frsaaan]

[poem=font="Simplified Arabic,6,white,bold,italic" bkcolor="transparent" bkimage="backgrounds/26.gif" border="double,9,black" type=1 line=0 align=center use=ex num="0,black"]
وصفتـك يالغضي بكبار المواصيـف=بـس الوصايـف قصرن ياصفنـك
المحبره وقلام وعـدة عواريـف=صـدقني!! عجـزن بالشكل يرسمنـك
وشـف القوافـي راجعات مكاسيـف=عـادن ونا مرسـلهن بس يدرسنـك
ولقيـت نجـوم ساطعات ملاهيـف=بجسـم ظـريف الطول هن يذكرنـك
عيـون خـد نهود ردوف ملافيـف=جـدايـل... لمخصـرك عـذبنـك
ادعج غنج محتاس في فايح الريـف=العـود وخضاب الشمطري غـزنـك
وثنايـا جنيهات بالشـفه مصافيـف=طـول(ن) وخصـر بالجسم كملنـك
وكفك . اللي عليها ضلوعي مواليـف=دمـي ودمـك من فصيله هجنـك
دمـي يعرفك مايبي زود تعريـف=الضيـف ابعتـبره بـدايات . فنـك
وعيونك نشـفن الريـق تنشيـف=سـود المحاجـر بلهـدب ضللنـك
انت الذهب ياقوت بضاعة هل الكيف=عـود وبـن وبهيـلهن فوحنـك
اصـل وفصـل يـلطمن الملآقيـف=حكمـه .. وبالشيخه والله داعبنـك
غـزيتني . وبعتبرها سـنة ريـف=بيـن الرموش ودمعتـي يعـزمنـك
ولعتنـي وشـفايفي بك مشـافيـف=قلبـي وروحـي استسلمن يرتجنـك
عرفـتك معرفه عــز وتشريـف=علـوم لاباعـن ، ولاهن ارخصنـك
انت الوحيد اللي من الخلق ماشيف=روحي ونفاسي والغـلا يسكننك
في مهجتي بيتك رووس المشاريف=وبين الحنايا جنان لك يسعدنك
ابيك بين حـروف كلـه مثاقيـف=الواو والسيـن زخرف يملحنك
انته لروحي الـدواء والمضاريـف=حياتي فـي كونـك تلعب بفنك
ذبحتـني يالـزين ويـديي مكاتيـف=حـر!ااام!! دام عيوني بس يشخصنك
عاهـدتك بالحشمه وزيـن المواقيف=وياااويل دموع عيونك لو يجرحنك





[/poem]اول مشاركه امل تنال ولو قسط من رظاكـم

[**$صمــ$ البوح $ـــــت$**]

صح لسانك وسلمت يمناك


ابيت ....جزله ...قمه .... حضور رائع


حياك بين اخوانك ويشرفنا وجود شاعر متمكن مثلك اخي معنا هنا في هذا



الصرح الشامخ ومع هذي الكوكبه الشعريه المميزه




لاعدمناك ....دمت بود




اختك صمــ البوح ـــــت

[الحوراء بنت نجد]

هلابك ونعتز بمشاركاتك

هذه المشاركات قصائد رائعه وكم هو رائع هذا

التواصل معنا00

أقدم أعتذاري حيث نقلت موضوعك الأول لعدم تدوين

أسمك أول أو أخر القصيده لحفظ حقك كشاعر وقد

تم التنويه لذلك في الموضوع المثبت في بداية المجلس

لكافة الشعراء عليه تنقل هذه القصيده لقسم القصائد

المنقوله وتعاد حين تدوين أسمك حسب المطلوب

كل عام وانتم بخير000

تحيه00الحوراء000بنت نجد

[شاعر غير]

صح لسانك


ولاهنت


شاعر غير