على الطايــر..!!
السلام عليكم ورحمه الله وبكراته...
هذه عدة مواضيع مدعومه بالصور .. حاولت ادخلها في مصب واحد . وانشالله انها تعبجكم
حرمه ما جلست من 18 سنه
هذي صورة كاترين ميهل .. الحرمه اللي ما جلست اكثر من 18 سنه ..
فتقول انها لما تدخل القطار و يحترمها بعض الناس ( مو مثلنا ) و يعطونها فرصه عشان تجلس .. تقول له انها ما تحتاج تجلس .. لأنها ما تقدر تجلس لأسباب تخصها ..
و السبب يرجع لخلل في الجينات .. فاذا جت تجلس تتصلب عضلاتها و ما تقدر تتحرك ..
عشان كذا هالحرمه دايم تنام و هي واقفه !
و في الفترة الاخيرة اصيبت يدها بنفس الخلل و صارت تتصعب العمل ( والله زين كل ذا وكانت تشتغل ! ) ..
سياره تجوب الرياض انظروا ماكتب عليها ( صوره)
وبارك الله فيك أخوي أبوفهد وجعلها الله في ميزان حسناتك يوم تلقاه
يقول المولى عز وجل ( ولتكن منكم أمة يدعون إلى الخير ويأمرون بالمعروف وينهون
عن المنكر أولئك هم المفلحون )
ويقول الرسول علية الصلاة والسلام
( لأن يهدي الله بك رجلاً واحداً خير لك من حمر النعم )
الجوع وماادراك مالجوع
صورة مؤلمة
طفل يسحب أمه التي ماتت من الجوع في النيجر
الله هما لك الحمد على النعمه الى نحن فيهاااا وين الناس تخذ عبره من هذه الصوره
افتتاح أول صالة سينما في السعودية
ذكرت إحدى الصحف المحلية أن اللجنة الإعلامية في الرياض تعتزم افتتاح أول صالة سينما في المملكة بداية عيد الفطر المبارك .. وستكون هذه الصالة لعرض " الرسوم المتحركة " حسب زعمهم .. بعد دبلجتها للغة العربية وهذه الدار ستكون خاصة بالنساء والأطفال فقط ..
( غريبة بالعادة جدّة هم اللي يبدون بهالحركات )
ويقول الخطيب رئيس اللجنة الإعلامية أن مافيه نظام يمنع فتح دور السينما .. وأصلاً كان فيه دور سينما قبل خمسين سنة بس خربت الشاشات ولا عاد صلحناها ..
الواحد بس ودّه يصير قصاص تذاكر لاشف هالمنظر ..
وستكون فترات العرض في السينما الذي يضم 1200 مقعد حسب الآتي :
الفترة الأولى : من 4.00 إلى 5.00 العصر
الفترة الثانية : من 10.00 إلى 11.00 ليلاً
الفترة الثالثة : من 11.00 إلى 12.00 ليلاً ( وش أفلام الكرتون اللي 12 بالليل )
مدري ليش أحسهم بالصيفية الجاية بيقلبونها أفلام .. ويقولون البحرين وش أزيّن منّا فيه .. الله يستر بس البداية أفلام كرتون ولازان الوضع .. قاموا الهمج حقين الصّحف يقولون العالم كلها تتابع أفلام على تشنال تو وش رايكم لو نجمعهم بصالة سينما منها نوفر الكهرب ومنها نشفر اللقطات اللي مهيب زينة ..
ادعوا الله أنه يطفي عليهم الكهرب من أول يوم .. ترى النار بدايتها شرارة
ناتالا الطفلة المعجزة
بمدينة سارانسك في روسيا توجد فتاة تدعى ناتالا .. أُطلِق عليها لقب الطفلة المعجزة .. أما أنا شخصياً عطيتها لقب "الساحرة " نقرأ قصتها ونشوف هي طفلة معجزة ولا ساحرة ..
لو تروح الفضاء وتسلّط النظر على روسيا راح تشوف خط قاطع مدينة سارانسك .. هذا الخط عبارة عن طابور من المرضى صافين من بيت الطفلة ناتالا إلى الحدود .. طلباً للعلاج .. حيث أن هذه الفتاة تستطيع تشخيص المرض من خلال النظر فقط في الشخص الواقف أمامها .. "دون خلع ملابسه " .. وقد اكتشفت موهبتها والدتها قبل عدة عوام حيث كانت جالسة مع بنتها وتفاجأت بها تقول .. " يمّة أشوف ببطنتس ماصورة ملوية زي لي المكنسة الكهربائية وفيه فصوليا وطمام " وكانت تقصد بالماصورة أمعاء أمها والفصوليا والطماط العشا ..
ومن ذاك اليوم انشهرت ناتالا .. وصارت العالم تجي بيتها عشان تكتشف الأمراض اللي عندها .. وطلبوها المستشفى يتأكدون من كلامها .. وجابولها كم مريض وعلمتهم وش فيه .. ثم جابوا وحدة مقررين فيها سرطان قالت مافيها إلا العافية .. هذي عندها كيس في جنبها الأيمن طلعوه وصلى الله وبارك .. وبعد الكشف طلع فعلاً ماعندها إلا كيس ( لحد يسألني وش كيسه ) ..
وتقول أمها بنتي عندها حاجات ثانية تدل على عبقريتها .. منها أنها تحفظ أي شي تسمعه وتحل معادلات أطلق شنب مايحلها .. وتعرف تسوق من عمرها 3 سنوات .. وأنها بدت تتكلم وعمرها 6 شهور ..
هذي هي ناتالا .. بس غريبة ماتشبه الروسيات خخخ .. شوفوا المساحة من الشفّة للخشم .. يمدي أفغاني يتمغّط فيها ..
قريت قبل فترة قصة وحدة خليجية راحت للشيخ منير عرب تقول أنا أقدر أشخّص ألأمراض من النظر للشخص وأحس أني أسبح داخله .. ومن هالكلام .. قال لها أنتي فيتس جنّي .. وقام يقرا عليها فترة وبألأاخير تكلّم الجني وقال ياخي ماسويت لها شي بس أبي أساعد الناس .. أتوقع اللي عند الروسية نفسه اللي كان عند الحرمة هذي ..
الآن الفتاة تبلغ من العمر 16 سنة وسجلوها في جامعة أوغاريف في موسكو عشان تتعلم المصطلحات الطبية .. أجل الأمعاء صارت ماصورة
قال أيش قال تسوق وعمرها 3 سنين لو عندنا والله لو يجي عمرها سبعين ماساقت < تفكير سعودي
سعوودي وايلي
مواقع النشر (المفضلة)