انا العضو خيالي اسمعو قصتي وسبب غيابي عن منتداكم
[align=center][align=justify]بسم الله الرحمن الرحيم
السلام عليكم ورحمة الله وبركاته
وحشتوني يامشرفين واعضاء منتدى الزين يمكن انا لي
فتره منكم بس الضروف جبرتني بس صدق لكم وحشه وانا
شايف اعضاء جدد الله يحييهم وكان ودي اني اكون معاهم
في هذيك الفتره وانا شايف مواضيع جيده قدموها وانشالله
انهم يفيدونا في المواضيع النافعه
انا راح اقولكم سبب غيابي عن منتداكم وسبب غيابي هو
مو مشاركه بمنتدى ثاني لا بالعكس انا لقيت مشرفين
واعضاء خلوقين وهذا الي خلاني مااحاول اني اغير
المنتدى ولكن سبب غيابي هي قصه صارت لي قصه
مؤسفه ومحزنه ولكن الله يصبرنا انا راح اتكلم عن القصه
لكي ائدي شي بسيط واذكر شي ابسط من بطلة القصه
في يوم من الايام رحت الى منتزه عندنا بجده اانا والشباب
عشان هناك كان في شبكة انترنت اخذت اللاب توب معايا
عشان ابرمجه على شبكتهم المهم وصلنا للمنتزه دخلو
الشباب الي معايا مكان الشباب وانا دخلت مكان العوائل
عشان اسوي للجهاز برمجه مع الشبكه بس حارس الامن
مارضي يدخلني يقول عوائل فقط قلت له ابي ابرمجه
واطلع لاغير المهم رافض هو قلت طيب وش اسوي انا
قال انا راح اناديلك المبرمج وهو يطلعلك وياخذ الجهاز
منك ويبرمجه قال خلاص ماعندي مانع دخل الحارس
صبرت شوي والا بنتين طلعو من المنتزه وشافوني دخلو
مره ثانيه مالمحتهم زين بس طلعو مره ثانيه والا وحده
فيهم لفتت نظري( اسف على الكلام الي راح اقوله
يامشرفين واعضاء بس غصب عني ياليت تكملو القصه
كامله تراها مؤسفه جدا) المهم جالسه تطالع فيه واخذت
جوالها واقربت مني بصراحه ياناس انا اعجبني فيها هيبتها
هي كانت مبرقعه شايف عيونها بس عيونها جد سحرتني
المهم انا حاولت اني ابعد لاني قرب بوابه عوائل وصعب
عليه اسوي شي امام عوائل رايحين جايين لما بعدت دخلت
البنت مره ثانيه المنتزه وبعدها بخمس دقايق اطلعت انا
جاني المبرمج واعطيته الجهاز عشان يبرمجه المهم شايف
البنت تبي تكلمني ومستحيه وانا كمان مستحي هي اقربت
زياده وشغلت البلوتوث وانا كمان شغلت البلوتوث ارسلت
لي كلام قالت ممكن قلت ممكن بسرعه لاني بصراحه
صدق حبيتها طبعا عبر رساله ملاحظات ارسلت رساله
قلت وش تبين بالضبط قلت لاتكون بنت لعابه لاني اكره
اللعابين اقربت مني وفكت البرقع ماراح اقولكم وش شفت
بس المهم جاني المبرمج وجالس يكلمني وانا ماني معاه
جالس ارسلها عبر البلوتوث المهم ارسلت رقمي لها وقلت
لها بااااي قالت باااي اخذت الجهاز ورحت عند الشباب
القسم الثاني اعطيتهم الجهاز وقلت اشتغلو عليه برمجته
خلاص انا بروح السياره وجالس افكر بصدق اشغلتني
هذيك البنت هي نكها جذابه بس كذابه طبعا جالس احتري
المكالمه وقافل البلوتوث عشان الشحن لايخلص للأسف
اليوم الأول ماجاني اتصال صبرت اليوم الثاني فالليل جاني
رقم غريب انا شكيت بس قلت ماابي استعجل رديت قلت
الو قالت مرحبا لو سمحت هذا جوال رناد قلت لا
مهوبجوالها قالت أسفه وقفلت الخط صبرت شوي ودقيت
عليها قلت السلام عليكم بدون لف ولادوران اذا انك
مستحيه تقولي انا فلانه راح اسألك انتي جذابه بس كذابه
والا لا قالت ايه انا يالله يافرحت فرح هذاك اليوم لانها
صدق طيرت عقلي وانا بصراحه يكون بعلمكم كانت لي
علاقتين قبل كذا بس كلهم خاينين وانا كل شي عندي الا
الخيانه عشان لاتقولو اني خاين اكيد هذا لعاب عنده اكثر
من وحده المهم اخذت واعطي معاها قلت لها تصدقي ماني
متصور انك انتي الي كنت قربي معاي بالتليفون قالت
صدق قلت وش لاحظتي بوجهي اول ماشفتك قالت
بصراحه شفت في عينك انك ودك تكلمني ومستحي قالت
طيب انا وش حسيت بوجهي لما كشفت قلت بصراحه من
نظراتك من اول ماطلعتي ودخلتي مره ثانيه وطلعتي بعدها
تبين تسوين شي بس منتي قادره قالت اكيد انا بنت
وبصراحه والله العظيم انا ماقد صارت لي علاقه قبل كذا
وماني جريئه للدرجه هذي المهم استمرت علاقتنا سنه
ونصف بين حب ووفا وانا اشهد على وفائها معاي كان
اسمها نوال عمرها 20 سنه في عمر الزهور المهم بين
هالسنه الي اتعرفت عليها فيها جا قبولي بكليه عسكريه
وتعرفون ان الكليات العسكريه فيها فتره استجداد وفيها
عدة مراحل طبعا فترة الاستجداد تكون 45 يوم فرحت لما
انقبلت وزعلت اني راح اغيب عن نوال 45 يوم ماني
مصدق كيف اعدي هالايام من غير مااسمع صوتها
ماعرفت كيف اقولها وافاجئها هي راح تبكي على الغياب
بس راح تخاف على مستقبلي اول ما قلتلها الخبر فرحت
بس لما قلت راح اغيب 45 يوم سالت دموعها المهم قدرت
اقنعها وقلت ابي وعد انك ماتفكري في 45 يوم انك
تنسيني قالت وعد لك صدقني ماراح انساك وراح استناك
وترجعلي سالم انشالله المهم بعد اسبوع رحت للكليه
وحضرت طبعا ماودي اقول وش لقيت فيها اكيد الا قد
جربها يعرف تعبها طلعت بعد ال45 يوم رحت للبيت
سلمت على اهلي وجلست معاهم شوي واخذت جوالي
وشغلته ودقيت عليها لقيت الرقم غير موجود بالخدمه
انشغلت وماني عارف وش اسوي صبرت الى الليل والا
جوالي يدق رقم غريب رديت والا هي ارتحت قالت تتوقع
اني مااعرف اليوم الي راح تطلع فيه انا عاده الليالي
والايام ومستيه اليوم الي تطلع فيه عرفت في هذيك اللحظه
معنى الحب قلت برد بسيط اوعدك اني راح اهزمك بحبي
بك قال نشوف حكيتلها عن عنا الكليه والجزوات وسألتها
وين رقمك القديم قالت غيرته جاتنب ازعاجات بغيابك من
شباب ومستنياك تجي عشان اعطيك الارقام قلت لها اوكي
اعطيني الارقام الي تضايقك عطني الرقم الاول خزنته
عندي والرقم الثاني عطتني هو طلع حق واحد من اعز
اصدقائي تصدقون هالكلام صديق كان عزيز وغالي عليه
قلت لها وش سوى هذا قالت هذا اكثر واحد يضايقني
برسايله وقة ادبه طبعا انا ماسويت شي لخويي هذا بس يوم
طلعت من البيت شافني قالي السلام عليكم مارديت عليه
طبعا لشوية حقد قالي بكل بروده انت تتكبر علينا عشان
دخلت الكليه قلتله بنيرة حقد الي يخون صاحبه احطه تحت
حذاي اكرم الله السامعين تبلم ومو عارف وش يقول كأنه
حس وش اقصد وسحبت نفسي ومشيت ماابي مشاكل ماني
ناقص المهم بصراحه كنت مبزوط انا اخذت لي اجازه 6
ايام من يوم الاحد ومااحضر الا يوم الجمعه للكليه طبعا
بالاجازه هذي قابلت نوال ماعرفتني لاني سمرت وضعفت
زياده طبعا من الشمس وقلة الاكل والتمارين والجزوات
العسكريه جا يوم الجمعه وحضرت للكليه وصرت اطلع
كل ويك اند يعني نهياية الاسبوع اول ماحضرت يوم
الجمعه سويت سالفه كنت مهرب الجوال حقي المهم طلعه
الله يسامحه طالب نهائي كان يفتش ووقفوني خميس وجمعه
والي قاهرني كسر جوالي قدامي من حقه طبعا انا الي
استاهل بس لاتحقدون طلعت كفو وهربت النورس هههههه
المهم طلعت بعد اسبوعين بالكليه وحاولت اني ماابزوط
مره ثانيه حسب شور نوال لانها ماتقدر ماتسمع صوتي
قلت ابشري بعد اربع تحضيرات طلعت من الكليه وادق
على جوالها مقفل ادق مره ثانيه مقفل استمريت بالدق شهر
كامل فقدت الامل دايما مقفل طبعا ماعندي رقم اختها لانه
كان في الشريحه الي تكسرت مع الجهاز طبعا المستوى
الدراسي انخفض عليه وهددوني بالفصل طبعا تخويف
عشان اشد حيلي طلعت في ويك اند وشغلت الجوال والا
برساله تجيني تقول الرجا الاتصال على الرقم المرسل
ضروري معاك أخت نوال دقيت بسرعه على الرقم وتقول
السلام عليكم قلت وعليكم السلام طبعا انا قلقت قلت نوال
فيها شي قالت ممكن تهدي نفسك شوي قلت نوال فيها شي
للمره الثانيه قالت ابي اقولك شي بس ابيك تهدي نفسك
وهذا شي مقدر ومكتوب قلت في قلبي اكيد تزوجت قلت
اوكي راح اهدي نفسي نوال وينها قالت نوال توفت من
شهر تقريبا في حادث هي واخوي تبلمت قالت وانت منت
زعلان وحزنان اكثر مني ودعيلها بالرحمه واخوي
بالمستشفى في غيبوبه رميت الجوال ودموعي نزلت
وماقدرت خبيها وشرحت للوالده ان وحده تعرفت علبها
توفت قدرت الوالده وقالت ادعيلها بالرحمه ياولدي احسن
من الي مسويه بنفسك ماقدرت مي معقوله راح افارق
اغلى انسانه في حياتي صادقه ووفيه صدقوني لو دورت
ماراح الاقي زيها مع احترامي لكل الموجودين صدق هذا
الكلام من جهتي انا طبعا تغيبت عن الكليه اسبوع وجا
خطاب على البيت تهديد بالفصل وهذا الخطاب الثاني
والثالث فصل نهائي طبعا ابوي جاب لي تقرير من معارفه
وشالو الخطاب حضرت للكليه والحمدلله تعديت عدة
مراحل وباقي لي مرحله وحده واتخرج بأذن الله
وهذا سبب غيابي عن منتداكم وانشالله ماراح اتغيب بعد كذا
وابي اسأل كان في سعود وروابي وماروكو ذولا الي
اخبرهم هنا سلامي الطيب والمقدر لهم وكل الي ماذكرتهم
يعذروني فقدنا شوي من الذاكره وابيكم تدعو لنوال
بالرحمه الله يرحمها ويسكنها في فسيح جناته بااااي محبكم .
(خيالي )[/align][/align]
رد مع اقتباس
مواقع النشر (المفضلة)