الشاعر الكبير بندر بن سرور العتيبي لايوجد احد بارض الجزيرة العربيه لايعرفه ، تناقلت ابياته الرواة بطول الجزيرة وعرضها ، فهو الرقم الصعب او الشاعر الذي لايتكرر ، ابياته صعبة التكرار قوية المعني بقوة وشموخ هذا الرجل الذي جعل الكثيرون ينحنون احتراما له، رحم الله بندر بن سرور وجميع اخواننا المسلمين .
وهذا احدى روائعه
الله مـن هـم ٍ بروحـي سهجهـا
بخافى ضميرى فى كنين الحشا لاج
احرمـن نـار ٍ تواقـد وهجـهـا
منهاخطر روحى على سلك ديبـاج
وعين ٍ عسى المولى يعجل فرجهـا
يفوح ناظرها كمـا عيـن هـداج
استرسلت للدمع من مـا رهجهـا
غيظ ٍ يكظ عبارها مثـل الامـواج
كم واحد ٍ لة غايـة ٍ مـا هرجهـا
يكنها لـو هـو للادنيـن محتـاج
يخاف من عوجا طويل ٍ عوجهـا
هرجة قفا يمشي بها كـل هـراج
يقضب عليك المخطية من حججهـا
حلو نباه وقلبة اسود مـن الصـاج
و اللة خلق دنيا وسـاع ٍ فججهـا
وعن ما يريب القلب لك كم منهاج
والرجل وان شطت لياليك سجهـا
عسى تواليهـا تبشـر بالافـراج
قصيدة خطو ولد
الله من عينٍ ليا عسعـس الليـل
عافت لذيذ النـوم ماتهتنـي بـه
ياوين أبلقى من يحـب التعالـي
يبدي بزين القول ولا ابتدي بـه
خطو الولد يامال قصف التماهيل
يشرح عيوب الناس ماشاف عيبه
يفرح ليا شاف المجالس هراميل
يكره ليا شاف المجالس أمنيبـه
ماشوقنـه طيبـات التماثـيـل
مع شايبٍ قد بيَن الوقـت شيبـه
ماهوب شايب ، شيبنَه غرابيـل
عيدٍ يقفـي بـه وعيـدٍ يجيبـه
أنا الذي شفت الوزا ياسماعيـل
طاوعت نفسي لين شفت الغليبـه
النفس طير والخطايـا محابيـل
والناس روَاي الحديث أتحكيبـه
دواليـــب الــدهر
--------------------------------------------------------------------------------
يالله ياجـال الامـور المهـمـه
تجلا وهج قلب برا حـال راعيـه
البر دجته والبحـر رحـت يمـه
اسعى ورى رزق عسى الله يهيـه
يوم ان ولد اللاش رزقه على أمـه
رزقي على اللي ميت القشع يحييه
يامل قلب كـل مـا مـات همـه
دارت دواليب الدهر ليـن تحييـه
فرَاق شمـل النـاس عيَـا يلمَـه
وقتٍ يشيب الرأس من شايةٍ فيـه
أحدٍ ينـام وحـط رأسـه بكمـه
وأحدٍ يخم النـوم عينـه وتخطيـه
أحدٍ يحاول بالـردا بنـت عمـه
وأحدٍ يحاول ستر عذراء عوانيـه
ماني وأنـا بنـدر ببيـاع دمـه
يقطعك يـا بيـاع دمـه ومهفيـه
اللـي يبيـع لابسـات الأزمــه
ثورٍ يبا بيض الرعابيـب تغنيـه
يزعل ليا جت ليلـة الـدور يمـه
يرضى بسوق المال فخره وفا بيه
خطو البخيل اللـي يكبـر معمـه
يقرأ الكتاب وواجـب الله يخليـه
اما هرج لك فـي رفيقـه بنمـه
ولا عطا وأمه أتضيـع هقاويـه
أنشدك ياللي كـل فـرض تتمـه
تقرأ الكتاب وكل فـرض تصليـه
ويش القليب اللي غميـق مجمـه
ما فاد غرسه ماه عطش سوانيـه
تخالـف الانظـار شـرق ويمـه
وكل هدف رآيه من الناس مرضيه
سمَ السبب ياعـارفٍ عنـه سمـه
سمَ السبب ياعارفـه قبـل أسمـه
علق حبالي
--------------------------------------------------------------------------------
ياسخيف الذرعان مافي وسواس
لي حاجة بالعرض وأسعى وراها
وأسجد لقادرها على غفلة النـاس
وأسأله الجنـة يكمـل عطاهـا
أسعى ورى حد مهاويـه دراس
زيزوم نمـراً قادهـا ماتلاهـا
علق حبالي فرخ واليوم قرنـاس
واللي بحالـي للولـي مشتكاهـا
أعوذ بك يارب من سعي الإفلاس
وأنته رقيب النفس تعلـم خفاهـا
يابنت أنا هذي شفايـاي يبـاس
أطابق الوجبات ما أشفق علاهـا
ماني وانا بندر بتباع الأنجـاس
اللي قريبٍ تفلهـا مـن لحاهـا
أنا بدرب الصيرمي عدم الاجناس
زعيم روق اليا تنصـت عداهـا
القصائد صوتيا بصوت الاسطورة بندر بن سرور :
واهجة مستمري
http://www.eqla3.com/sh3r/voice/bn01.ram
لا والله الا طولوا بالوقوفي
http://www.eqla3.com/sh3r/voice/bn03.ram
ياسهيف الذرعان ماني بمرجوج
http://www.eqla3.com/sh3r/voice/bn04.ram
ألا يانديبي فوق دوج
http://www.eqla3.com/sh3r/voice/bn05.ram
الله على اللي
http://www.eqla3.com/sh3r/voice/bn06.ram
دن القلم
http://www.eqla3.com/sh3r/voice/bn07.ram
أنحاس بالي
http://www.eqla3.com/sh3r/voice/bn08.ram
كل ما صار
http://www.eqla3.com/sh3r/voice/bn09.ram
كل ما قيل
http://www.eqla3.com/sh3r/voice/bn10.ram
يازين فنجال
http://www.eqla3.com/sh3r/voice/bn12.ram
يا بدر بن سلطان
http://www.eqla3.com/sh3r/voice/bn13.ram
الله من عين
http://www.eqla3.com/sh3r/voice/bn14.ram
ياعنك ماتشفيك ذباحة التيس
http://www.eqla3.com/sh3r/voice/bn15.ram
يا منير عمر لي
http://www.eqla3.com/sh3r/voice/bn16.ram
ألا وا هني اللي تمرجل
http://www.eqla3.com/sh3r/voice/bn17.ram
صدقان الرخا
http://www.eqla3.com/sh3r/voice/bn18.ram
دور الكبريت
http://www.eqla3.com/sh3r/voice/bn19.ram
عز الله اني جزت
http://www.eqla3.com/sh3r/voice/bn20.ram
عن هوى البيض تايب
http://www.eqla3.com/sh3r/voice/bn21.ram
عسعس الليل
http://www.eqla3.com/sh3r/voice/bn22.ram
ياراكب حمرا
http://www.eqla3.com/sh3r/voice/bn23.ram
جينا حليت
http://www.eqla3.com/sh3r/voice/bn24.ram
نرج ان تحوز على اعجابكم وان تستمتعوا بالقصائد
مواقع النشر (المفضلة)