السلام عليكم
الحقيقه هذي هجينيات لأحد شعراء عنيزه
ومن أعيانها :عبدالعزيز بن ابراهيم السلَيم _رحمه الله تعالى_
الهجينية الاولى:
دقيت بـاب الهـوى بالطـار
بالخمـس بانـت مضاريبـه
نابـان مخلـف ظبـي الــدار
ريف المعاطيـش يـا طيبـه
ظليـت حايـر وهـو محتـار
وده وانــا مـثـل ودي بـــه
لــولاه جـنـة ودونــه نــار
ما شـق راع الهـوى جيبـه
اقفيـت سانـد وهــو حــدار
مدري وش الله يسـوي بـه
واكبـر غبنـي ثــلاث ادوار
مقطوع مـا قـام حظـي بـه
والله لــولا الحـيـا والـعــار
واخاف الانجاس تدري بـه
لاقــول نــو بمـزنـه ســـار
غــزلان رامــه تفـلـي بـــه
يامـا بحكـم الهـوى يـنـدار
يـديـر قلـبـي واغـنـي بـــه
منزل هوى ما عليه ستـار
هبايـب الريـح تـومـي بــه
يـا ليـت قلبـي عنـه صبـار
ودواه عنـدي واعـيـي بــه
ولا كتب لي وكتبت اسطار
مـا كنـي افـرح واهلـي بـه
عساها اعجبتكم يالغالين
مواقع النشر (المفضلة)