قليل ان نجد الوفاااء في هذا الزمن ...
ولست انا وحدي من يشتكي من هذا الشئ....
قد يقول البعض لاتزال الدنيا بخير واقول نعم ولكن يندر من يعرف معنى الوفااء ويعطيه حقوقه ...
اليكم هذه القصيده من اخر ماكتبت وهي تتحدث عن نفسهااا..
الصاحب اللي نهارالضيق خلاني=ماني بفي حاجته لو رد ماليبه
اللي يطاوع كلام فلان وفلاني=نقالة الهرج والنمات والغيبه
واللي نهار الرخاواللين خاواني=ويومٍ بدت حاجتي كثرة عذاريبه
ياعل يفداطويل العمرقحزاني=اللي ليامن زهمته فزمن طيبه
ذربٍ ودربه مع ذربين الايماني=حرِ نهارالهدد تعجب مضاريبه
ابوي في خوة اهل الطيب وصاني=ولاامشي مع اللي مشى مع سكة الريبه
وعلمني احفظ حقوق الجاروالعاني=وانااحمد الله كلام العود نمشيبه
واقول للي نهارالضيق خلاني =ماني بفي حاجته لو رد ماليبه
مواقع النشر (المفضلة)