حي الله اللي دزلي البارح ايميل
حي الله اللي دزلي البارح ايميل
ومن غلاه اغليت اسمه وايميله
ارسل يعاتبني على قل المراسيل
يقول ليه ان الرسايل قليله ؟!
يشتاق لي لاغبت واشتاق له حيل
شوق الصحاري للمزون الثقيله
عتابه ازكى من شذا البن والهيل
لايابعد كل الصبايا بجيله
لاتحسبيني ياهوى بالي بخيل
لاشك مالي بالمقادير حيله
انتي لي ابعد بالمسافه من سهيل
وبقلبي اقرب من طموحٍ اشيله
بيني وبينك يالحبيبه غرابيل
وشاعرك كثر الشوق لك هد حيله
لو الغلا ينبت نواوير ونخيل
ازهر غلاك بخافقي ياجميله
ولو الغلا يمطر على القلب ويسيل
امطر على قلبك واسقاك سيله
ولو الغلا يترجم بكثر المراسيل
ارسلت لك في كل لحظه وليله
يالغالي اللي دزّلي البارح ايميل
ومن غلاه اغليت اسمه وايميله
رد مع اقتباس
مواقع النشر (المفضلة)