السلام عليكم ورحمه الله وبركاته ..
ودي نتكمل عن موضوع اليوم هو اشبه ان يكون له علاقه مع الكل .. موضوع ودنا نتكلم به بكل طلاقه وصراحه ...ونبعد كل البعد عن الرسميات والحدود الغير معقوله .. موضوعي والي ودي اني استفيد منكم قبل ان اكتبه .. الا وهو الصداقه بين الانثى والرجل .. راح اتكلم بكل مافي بالي من الموضوع هذا وبلهجه محليه بعيد عن الترسيم وغيره .. وانتم انشالله ماتقصرون .
المهـــــــــــم
مافيه احد اوبالاحرى الاكثر مامر في علاقه مع صداقه من جنس اخر... وهذه صارت شي عادي حتى اصبح روتين الحياه .. بس لكل شي حدود ولكل بدايه نهايه .. ولكل علاقه نتيجه .. ودنا نعرف نتيجه العلاقات هذه ..بصراحه من الدوافع الي خلتني اكتب هالموضوع واتعطش لوجاهت نظركم .. هو اختلافي مع واحد من اخويااني من حيث هالصداقه .بقوله ان البنت مجرد ماتلعب وراك افضحها بالصور والصوت وكل شي عندك .. زين وفضحتها وبعدين .. قال تتعلم .. ليش هي بعد الفضيحه ودها ترجع تسوي علاقات !! .. تفكير غير طبيعي المهم .. نتكلم احنا سوى عن هالموضوع .
الحين كل واحد مننا من بنات وشباب او الاغلب له علاقه ... الي نبي نوصل له وعلى اساس يكون الفكر واحد او وجهات النظر معروفه غير مجهوله .. في بعض الشباب يؤيدون اللف والدوران في كل علاقه .. مو بس الشباب حتى الاناث .. بس ناخذها وحده وحده .. جيت يم واحد من اخوياني مثلا .. حصلت فكره بيقول والله البنت الي تكلمني لأذكرها في اليوم الي انولدت فيه ... زين يابن الحلال وراك تذكرها .. يقول حتى اثبت نفسي ومكانتي .. ليش يابو الشباب طالعه لك عضلات يوم تبي تثبت نفسك . من هنا نستنتج على الضعف وهذا على ماقيل بداية خيط .. انا ابي افهم الحين كل واحد مسوي علاقه مع له بنيه ومبسوط هو وياها . مع ان هالشي غلط والكل يقول غلط ولا ننكر لكن على ماقال .. طوني كرم من اجل مشاعرناا وعواطفنا هههه ... وبعد هالعلاقه الا تحصل انواع الفضايح طبعا بعد كلمة احبك وابيك ومادري وشو هذه اخرهاا .. فضيحه في فضيحه .. زين يابن الحلال البنت لعبت من وراكم الي يخليك تنشر صور لها ليه .. اوكيه غلطت بس ياخي غلط عن غلط بفرق .. يعني مثل اثنين انحكم عليه بالسجن خمسين سنه وااحد ذبح له نفس والثاني على شان سرق بطاطس ابو نص من البقاله .يعني كلهم اخطوء بس ماكلهم نحكم عليه نفس الحكم.. يرد عليك مثلا يقول لا قهرتني .. قهرتك ؟؟ ليش رافضه تروح تجاهد في العراق ههه ..يابن الحلال ولله كل واحد يسوي شي مو زين بيلحقه بعدين .. وبالذات اذا كانت الدعوه شرف .. ماهي بسيطه .. الا ينطق لي واحد ويقول انا اكلم عشره .. طبعا احيائن لنطقته اكيد بصفق له .. على شان ينكث علومه ههه المهم يقول اكلم عشره .. قلت وراك قال على شان ان فلان تحداني اني اجيب راس فلانه ولا فلان يكلم اكثر مني ... طبعا احيائن لاستغرابي طقيت راسي بالجدرا قلت اقين اقين .. واقن واقن وقال لي من جديد . بسم الله الرحمن الرحيم او اللهم اني اعوذ بك من الخبث والخبائث .. وش الكلام هذا .. قال رجوله . قلت بشر امك .
هذا يهون عند غيره غيره .. الله لايبلى كل صالح فيه .. ينوي اشياء والله العظيم ماتدخل الراس .. وكلها على حد عقولهم رجووله .. حتى اخر مره اذكر اني شفت مقطع وربي قطع قلبي الي حصل في شارع النهضه في الرياض ممكن الاغلب منكم شافها .. الي هي ان بنات ثنتين يمشين في ممشى يعني شبه رياضه ..وفيه اربع شباب يتكلمون عليهن. بس الدعوه ماوصلت كلام وبس الا سوالف ماتذكر ... بصراحه شي قهرني واأكد انه قهر اغلب الشباب .. هالحركه هذه وش معناها يعني بنات يمشن بروحهن ياخي اذا ماعطتك وجه تروح تسوي معها شي وربي ماينسوى . ولا ومصور هالموقف . شكله يبي يلقط صوره من الموقف ويبروزها في نص صالتهم .. بس الله يجزاه بالخير الامير سلمان جاب روسهم جعله ذخر يارب .
الي ابي اوصل له ان العلاقات هذه صعب ان نعالجها بحكم اني اتكلم بواقعيه ولكن كل شي بحدود حتى انتم ياشباب مهما سوت البنت من اشياء معك ماتوصل انك تفضح بصور لها .. ياخي اقل شي بتذكره انها كلمتك مثلا وهذه بحد ذاتها تضحيه منها لك ... مع ان البنات فيهن لعب واجد .. بس مراهقات هههه ... بالنهايه كل شي ينتهى ولا ابي ااكد ان العلاقات تنتهي بس الاحمل انها تنتهي .. ولكن كل واحد يخاف ربه مادام مشى في شي غلط اما يصلح هالشي ولا لايزيد الطين بله ..ترا بالنهايه الاخلاق تثبت بعضها .. والعلاقات تحديد ذات وصلح وفساد مع النفس .. شف الانسب لك وامسكه
كلامي هذا من باب الاخوه الي جمعتنا في المنتدى .. وكلامي هذا مو من باب التميلح لايجيني واحد يقول والله تعرف تميلح <<= عاهات .... كلامي من باب ان الواحد يخاف ربه مادام مسك شي غلط .. ومن ستر على مسلم في الدنيا ستر الله عليه في الاخره .. المفروض كل واحد يتميز بالستر وكتمان السر ترا هذه الصفه تقوي كل ماهو داخلك من خير وحب وعطاء ... والستر زين في كل المقايس وابن ادم يخطئ ولكن رد الاساءه بالاساءه ماهي نافعه احد ماغير يكثر الحقد والبغض ...ومثل هالمواضيع صعب الواحد يسدحها بس .. المصلحه فوق كل شي .. واذا قلت صعب لان فيه جهال يفسرونها عشرين الف ابو تفسير .. ولكن ثقتي في اعضاء الزين وتجاوبهم مع الموضوع الاشبه بالنصيحه . هذا الي يخليني اسدح هالموضوع واسد غيره .. مهما كنا كل انسان يغفل عن امور كثيره والتنبــيه حق ... والخطاء مردود
تهمني ردوكم وارائكم حول الموضوع وانتقادكم لي ... واكون شاكر لكم قبل كل شي
سعوودي وايلي
مواقع النشر (المفضلة)