صباح / مساء الخير
الله يسعد اوقاتكم بالخير جميعا
00
الى من يهمه الامر
00
نوجه اللوم الى من ؟؟
00
هل نلوم الزمن ؟؟
00
هل نلوم انفسنا؟؟
00
من المخطئ ومن المصيب ؟؟
00
اسئله لم تجد اجابه ...... !!
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
علامك يازمن تقصـر خطـاوي ودّهـا بوصـال = علام الشـوق والنظـره علـى المشتـاق تتغيّـر
عـلام الليـل لامنّـه بـدا يجمـع همـوم إليـال = يجيب اقصى الهموم وداني العبـرات ... ماغيّـر
علامـك يالغـلا تجفـل مـع الاقفـاي والاقبـال = وش اللي جاك . وش صابك . علامك خايف مطيّر
علام الضحكه اللّي من زمانٍ فـات هـي تختـال = فديـت الخـد وخشيمـك وباقـي وجهـك النيّـر
ابي اعرف بحـق الله مـرض هانيـك ولاّ هبـال = او انّه فيـك جنيّـه .... عثـت ملعونـة الخيّـر
يسير العمر بالدنيا ويبقـى الحـال نفـس الحـال = يـدور الوقـت وابـن آدم مسيّـر ماهـو مخيّـر
تذكّر فرحة الماضـي .. تذكّـر بسمـة الاطفـال = تذكّـر لقمتـي ويـاك .. كانـت تمـر ومضيّـر
تذكّر موسـورة جـدّي بسـوطٍ حامـيٍ وعقـال = ليامنّـه زعـل جانـا يشـدّ الصـوت .. ويعيّـر
تذكّر غربـي الحطّـاب وملاهـد وحـولٍ حـال = وقولت غاليه ومن الغبينه .. ( غصـب يانويّـر )
تذكّـر يومـن اهديتـك هديّـه عقـدٍ وسلـسـال = واشوفك يومها حلم الكبيـر .. وعمـري صغيّـر
تذكّر وش تذكّر .. لانسيـت العـم وابـن الخـال = ترى عمر الزمن لو طـال يبقـى عمـره قصيّـر
انا اعـرف التجـاره رابحـه لازاد راس المـال = واعرف الشيك مايصرف مادامـه ماهـو مجيّـر
الاياقاصر الخطـوه تـرى صـدق المثـل لاقـال = نفـاد مشيـر يومنّـه نفـد مـع غـرّة قصـيّـر
مادام الموت ماشرّف ترى نـور الامـل مـازال = بحـق الله وجـاه الله ليـامـن شفتـنـي سـيّـر
[/poem]
وسلامة قلوبكم
نواف المطيري
مواقع النشر (المفضلة)