[font=Tahoma]مساء الخير واسعد الله اوقاتكم ......
الشاعر سعود بن بندر رحمه الله ,,,, شاعر غني عن التعريف ,,, بصراحه انا من المعجبين بشاعريته
وحبيت اشاركم ببعض قصايده وانشالله تعجبكم
منـهو حبيبـك غايتـي بس أهنيـه
على حسـن حظـه عشانـك حبيبـه
أنـا أشهـد إن الله يحبـه ومعطيـه
اللي هـداك الـرب تصبـح نصيبـه
ياللي خذيـت من الحـلا كل ما فيـه
ومن الطبـع كل الخصـال الحبيبـه
تسحر بهمساتـك عقـل من تحاكيـه
مع خـف دم وملـح ما ينحكـي بـه
لك حق يوم تمـوق وتحـس بالتيـه
الله وهبـك أوصـاف زيـنٍ غريبـه
قبلك و أنا بعض الجمـال ألتفت فيـه
وعقبك ظهر في كل من شفت عيبـه
والقصيده الثانيه
تخطي علي ... واستسمحك ... وترجاك
ضعفي هـواك ... وفطنتك ماتخونـك
المشكـل إني كل ... ما جيت ابنسـاك
فكرت نفسـي كيف ... ترتاح دونـك
وما ظن لا هـذا ... ولاذا ... ولاذاك
واللي سمعت بذكـره ... يعوضونـك
تدري إني أعشق فيك شامل سجايـاك
زينك وشينـك ... في قساك وليونـك
وإنـي متيـم فـي محاسـن محيـاك
وتعرف على وشلون ... سلطة عيونك
تامر على من موقها الموت ... هـذاك
وأطاوع أمره قبل ترمش ... حفونـك
رديت قلبـي عنك لاشك ... هو جـاك
وجيتـك معه راضي بمقبـل طعونـك
ارجع واقول أهواك ... وأهواك وأهواك
وبكفيـك اتعـذب ... ولكـن بهونـك
القصيده الثالثه :كرهني بنفسك
كأنك على قولك تمنى لي الخير
ساعدني أنسى حبك اللي خذاني
خلي حياتي تنقلب كـلها غيـر
وانسى الحبايب والزمن والمكاني
حبي لك أبلغ من كـل الأساطير
ماله بقاموس الهوى وصف ثاني
لاشك أنا أشعر بالنهاية وشتصير
واحسب حساب فراقنا بالثواني
بيني وبينك واقع الحال تحذيـر
وعند الموادع ... ماتفيد الأماني
عند خبر مثلي بحكم المقاديـر
على هوانا صادر الحكـم ثانـي
كرهني بنفسك ولو بذنب صغيـر
القى به اعذاري واعود لزماني
المشكل انه ما بدى منك تقصيـر
وهذا يزود واقعك في كيــاني
وســـــــــــــــــــــــــــــــــــلامتكم[/font]
مواقع النشر (المفضلة)