إهداء لمن تستحق الإهداء !!!!!!!

[جزاء البقمي]

[align=center]السلام عليكم ورحمة الله وبركاته


مساء الخير ..


قصيدة موجهه الى من يهمه الأمر .. على امل ان يراجع نفسه .. ويرى بعين العدل والإنصاف ما جرى ..

وعلى امل ايضااا ً ان يراجع حكمه الذي أطلقه بدون سماااع حجة المدعى عليه ..


لا اطيل عليكم ...[/align]


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


بين تحقيـق المحـال .. وبيـن تضييـع الوصـال = ضاع قلب ٍ كان يحمل طيـب هالكـون العظيـم ..

وبين تهميـش العقـول .. وبيـن تسليـط الهبـال = زوّد الضحك الوصي فـي يـوم ودعّـه اليتيـم ..

وبين تحديـد الحلـول .. وبيـن تكريـر السـوال = انتثر دمع المحاجـر .. وان فتـح بـاب الحجيـم ..

وبيـن ترديـد الفـراق .. وبيـن تزييـف الليـال = صاح جرح ٍ يحترق في وسط شريـان الصميـم ..

وبين تغميض العيـون .. وبيـن تحقيـق المحـال = والكليـم اللـي تكلّـم مـا سمـع صوتـه كليـم ..

وبين تحجيـم المعـان .. وبيـن تاسيـس الـدوال = ضاعت علوم المدرس !! واصبح الطالـب فهيـم ..

وبين صيحات المحـب .. وبيـن نظـرات العيـال = قـرّر المقفـي يـروح ولا علـى الدنيـا حليـم ..

وبين فزعـات العمـام .. وبيـن صكـات الخـوال = ضاع طفل وضاع طفله .. والسبب هرجة غشيـم ..

من (جنون الحرف) لين الحرف في(عيـن المثـال) = من (جنون العقل) لين العقل فـي (جـن السقيـم) ..

كمّـل الحـزن المعانـي والمعـانـي فاضمـحـال = وابتدى فيني (غروب الحـب) يـا حـب ٍ عقيـم ..

يا ضياع ٍٍ في ضيـاع ٍٍٍ فـي ضيـاع ٍ فـي خبـال = يا خبـال ٍ زاد حـدّه مـن غريـم ٍ فـي غريـم ..

لا سكـات ٍٍ فيـه خيـر ! ولا بقـى غيـر الجـدال = والبلا صار الجـدال ! ولابقـى فالصمـت تيـم ..

لا وصلت اللـي ابيـه ! ولا تحقـق لـي منـال ! = لا ضحـك وقتـي ثوانـي انقلـب طبعـه لئيـم ..

نـال قلبـي مـن حبيبـه نـال قلبـي نـال نـال = نال هم ! ونال حسره ! نال ضعف ! ونال ضيم ! ..

يا حبيبـي كيـف صـارت دنيتـي عنـدك زوال؟= كيف شمسي في سماك ولا حجبها غيـر غيـم !! ..

كلمتيـن ولا سمعنـا غيـر شـي ٍ مــا يـقـال = طعنتيـن ولا توجّّـع غيـر قـلـب ٍ مستهـيـم ..

دمعتيـن ولا عرفنـا ويـش معنـى الانهـمـال ؟ = ليلتيـن ولا بقـى شـي ٍ مـن الحـب القـديـم ..

احتمال الصـح وارد .. والخطـا فيـه احتمـال .. = يا اتزان الاعوجـاج ..ويـا عوجـاج المستقيـم ..

مـا يميـل الحمـل والجعبـه تشيـل الاعـتـدال = ولا ذكرت السين صارت في نهاية حرف جيم ..

لا تثنّـى عـود مـوز ٍ ساقـه الغربـي ومــال = مـال قلبـي والليالـي همّهـا فيـنـي مقـيـم ..

يا خطوط العرض زاد الشك فـي عـرض الطـوال = والعدود الساقيـه .. مـا ذاق ماهـا غيـر هيـم ..

لاتقـرّب غـاز ظنـك مـن شكـوك الاشتـعـال = و ( المشاكـل ) مـا تخلّـي لا خليـل ولا نديـم ..

ما قصرت الباع خـوف ولا خشيتـك فـي نـزال = والخصيم ليـا تفرعـن مـا يجيـه إلاّ خصيـم ..

محتوينـي عـز مجـد ٍ معتلـي كـبـر الجـبـال = معتلي فـوق النجـوم ولا علـى الدنيـا زعيـم ..

مـا ذخـرت إلاّ قصيـدي فالليالـي راس مــال = ولانحنى راسـي لغيـر الواحـد الفـرد الكريـم ..

الله اكبر يـا زمان ٍ .. زاد بـه( قهـر الرجـال) = والله اكبر يا زمان ٍ .. زاد بـه (كيـد الحريـم)..

قول من قالوا: يقول .. وقـول مـن قالـوا : تعـال = قـول عـذّال ٍ تكلّـم مـا خشـى يـوم ٍ عظيـم ..

قصتي ويـاك قصـه .. مثلمـا غنّـت ( نـوال ) = ام إحسـاس المشاعـر جـرة الصـوت الرخيـم ..

هذا قول اللي سعى لـك مـا بغـاك إلا ( حـلال ) = يوم (غيره) كل همـه ( قصـة الليـل البهيـم ) ..

يحتـرق قلبـه عليـك ..ليـا تطاولـك المـجـال = ويدمح الزله يسامح .. صاحـب القلـب الرحيـم ..

كان غيره هزّ فيـك الحـب يـا حبـه وسـال = لا على الدنيا سلام .. ولا بقـى فيهـا سليـم .. [/poem]








[align=center]لكم تحيتي ..


جزاء البقمي[/align]

[المختلف]

اخوي جزاء

صح لسانك ملايين


(القصائد انت وانت القصايد)


تحياتي:

ا
ل
م
خ
ت
ل
ف

[دمعة الخذلان]

صح لسانك وسلمت يمينك على الابيات اللي كلمة رائعه في حقه قليل

[لحن ألمشآعر]

أخوي جزاء البقمي



حياك الله من بعد غيبه يالغالي تو مانور المنتدى اخوي

<<<<<<<<<<<<<<<<<<<<<<<<< يقول مايحتاج يقول رايه بالقصيده




صح لسانك يالغالي وسلمت يمناك لاعدمناك يالجزل
ابداع في ابداع لله درك
تقبل خالص تحيتي
أخوكـ
سلمان المطيري ( لحن ألمشآعر )
في إنتضار جديدكـ

[الــــرحــــال]

كلمتيـن ولا سمعنـا غيـر شـي ٍ مــا يـقـال
طعنتيـن ولا توجّّـع غيـر قلـب ٍ مستهـيـم ..

دمعتيـن ولا عرفنـا ويـش معنـى الانهـمـال ؟
ليلتيـن ولا بقـى شـي ٍ مـن الحـب القديـم ..





صح لسانك
لاهنت ,,,
اخوووك /
الرحـــــال
فارس الشمــــري ’’’