أنا ماسمٌني غير أني المظلوم والجاني
أهـلاً وسهـلاً بـكـم
( مـــــــعـــــــــــانــــــــــــــاهـ )
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
برق بررق المشيب ولا لقيت الا اربـعً تختـال = سوالف غربتي واطعون فقري ، همي ، احزاني
يخلـف الله ياعمـرً قضيتـه طرقـي ونـزال = تكاثر فيني الدنيا وطـن مـن بيـن الاوطانـي
على ذا الحال ذي عاشر سنه وآنا على ذا الحال = ادوٌج خطوتـي وآقـول جعـل الهـم ينسانـي
ولا ادري الا وهو مع هجعة العالم يـدق البـال = تقـل وايـاه عـذالً تدلـه ويـن عنـوانـي
صبرت وقلت كفاره ذنوب إلين صبـري طـال = تهاوننـي عذولـي واهملونـي كـل خـلانـي
خطاي أني سنين اسمع وصايا العاذل اللي قـال = تسلاء . وش من الدنيا بتأخذ غيـر الاكفانـي
وانا بحروة حلاها جرعتنـي المـر بالفنجـال = وانا ماسمني غيـر أنـي المظلـوم والجانـي
أحد مثلي حرق ثوبه وأخذ ثوب القصيد سمـال = غدت بي هقوتي وأحلاء قصيدي مات بلسانـي
وأحد مثلي نشب مابين قلبه والفكـر غربـال ؟ = وإلى أشتد الخصام يجيـك كـلاً يلعـن الثانـي
ذبحني حظي اللـي ماقـدر مـره ينـط الجـال = ترداء لين سولف بـي لسـان فـلان وفلانـي
كـذا يالحـظ . ماكنٌـا تعاهدنـا وحنٌـا اطفـال = نوصي بعضنا واللي يخـون العهـد خوانـي ؟
تمثل بي حزن مجرم ، حزن تافه ، حزن قتـال = حزن خلاٌ شموخ اقصاي يشحذ رحمـة الدانـي
تعيرنـي بفقـري . الفقـر ماعيٌـب الرجـال = انا وش ذنبي ان جار الزمن والوقت عيانـي ؟
معودني يصيرون أصدق الاصحاب لـي عـذال = وعلمني اشوف أصدق وفاء بوجيـه عدوانـي
انا يالحظ . ما أخذت المراجـل غتـرةً وعقـال = انا عون الخوي ومزبنـن للضيـف والعانـي
انا من صغر سنـي عشـت يانـزال يارحـال = ابوي مربي اخواني وانا اللـي الوقـت ربانـي
تقول أمي قبل لا أجي توفى لـي ثـلاث عيـال = لا ابو حظٌٍ تكاثر في لا اصبـح رابـع أخوانـي
على ايٌة حال ياربي تفرجها على ايُـة حـال = أخاف اموت وحداني مثـل ماعشـت وحدانـي [/poem]
الشاعر / محمد الدحيمي
ولكم تحياتي
رد مع اقتباس
مواقع النشر (المفضلة)