قصيده كتبها شاب صار له حادث ووالدته كانت معه
هلا والله وغلا
شلووونكم شخباركم ان شاء الله بخير ؟!؟!؟
قصيده كتبها شاب صار لهم حادث ووالدته كانت معاه. الوالده توفت وهو اصابته كانت خفيفه..
وهذه الابيات قالها للي يواسونه.....ومايحس بالنعمه الا اللي فقدها :
يواسيني وانا الميت وحالي تجبر الدمعــــــــــــــــات
تسيل من الذي فيني ويبكي وهو يواسيـــــــــــــــــني
وانا ابكي واتنهد وارسم بالحزن لوحـــــــــــــــــــات
يجبروني عشان امشي ورجلي ماتمشــــــــــــــــيني
قتلت رعايتي بيدي قتلت الحب والرحـــــــــــــــمات
حرمت النفس من حقها وانا ابكيها وتبــــــــــــــكيني
وكنه حلم قدامي يقيدني من الصرخــــــــــــــــــــات
ابي اصحى ولكني عجزت القى ال يصحــــــــــيني
فداك العمر يايمـــه ومهما قلت من كلمـــــــــــــــات
صغيره في كبر حقك بس اتمنى تعذرينـــــــــــــــي
نهبت العم الفرح من بيتي صحيح اني خسيس الذات
صحيح اني ولد طايش وكل مااسمعه فينــــــــــــــي
تجول عيونهم فيني تفصل مني قياســـــــــــــــــــات
وتشيح وجوههم عني وكني غيرت دينـــــــــــــــــي
يظنوا حزنهم اكبر وهم اصحاب هالمأســـــــــــــــاة
وانا اتحدى اذا فيهم ربع مايحترق فينـــــــــــــــــــي
نقص قدري بعد موتك وغابت نشوة اللــــــــــــــذات
وصار الهم عكازي اباكيه ويباكينـــــــــــــــــــــــــي
عطيتيني بدون حساب ولاسمعتك تقولي هـــــــــــات
وانا اشرب حيل من دمك ودمك مايكفينـــــــــــــــــي
يايـــــمه ارجعي كافي ابجلس معك لو لحظــــــــــات
واقبل ايدك ورجلك وافرش لك رمش عينــــــــــــــي
يايمـــه ماتحملهم يقولوا فات ماقد مـــــــــــــــــــــات
تعالي غيري هالقول واطيعك باقي سنـــــــــــــــــيني
واترك عادة التدخين وانفذ ماتبي بسكـــــــــــــــــــات
واصلي الفجر في المسجد قبل ما انتي تصحينــــــــي
يايمــه ارجعي تكفين وطفي شمعة الاهــــــــــــــــات
ابيك انتي ولا غيرك على موتك تعزينـــــــــــــــــــي
وضميني وداويني مثل ماكانت الهقــــــــــــــــــــوات
ما ابي احدن يواسيني ابيك انتي تواسينـــــــــــــــــــي
دخيلك بس لاتبكي اذا شفتي بي الدمعــــــــــــــــــــات
انا مقوى ابكيك اذا انتي تبكينــــــــــــــــــــــــــــــــــي
وسلاااااااااااااامتكم .. انا لله وانا اليه راجعوووووووون
رد مع اقتباس
مواقع النشر (المفضلة)