بسم الله الرحمن الرحيم
السلام عليكم
وشلوونكم وش اخباركم طيبين
المهم هالموضوع هذا سلسله لمواضيع تبي تنزل من عندي
طبعا هالمواضيع مواقف صارت لي اتمنى تعجبكم
هذي البدايه
نبدا معكم .....
.................................................. ......
طبعا تبون تستغربون من عنوان الموضوع
انا نكي بالشات الكتابي محشش مأجر الدور العلوي
الباقي تعرووفه
.................................................. .
انا بقوول لكم سالفتي يوم اروح للرياض وشفت بعض الربع الغالين والله
المهم انا مشيت من رفحاء يوم الثلاثاء بالطياره و وصلت الرياض بالليل
استقبلني واحد ؟؟؟؟ معنا هنا بالمنتدى
اللي هو الصلمي بيك
المهم رحت انا وياه نتعشى
طبعا هو ما يستحي انا باشرت عليه مع انه انا الضيف
المهم يوم تعشينا قلت له يالله نبي نروح ناخذ شقه
قال قدام بس وين
قلت له مخرج 11
قال يالله مشينا
رحنا واستأجرت شقه لاني جاي يومين عندي امتحان بالوزاره وراجع
تكيت انا والصلمي على الدش سوالف و ظحك
المهم كنت مواعد بعض الربع اللي تعرفت عليهم بالشات اننا بنشوفهم يوم الاربعاء بالليل
تكينا شوي جانا للشقه خوينا العربجي اللي معنا بالشات وعهد الوفا وكم رجال مثلكم وشرواكم
< شرواك الطيب
المهم يوم جلسنا و تقهوينا قعدنا نسوولف و نضحك شوي
يوم نط بحلووقنا الصلمي يقول ابروح اجيب البلاي ستيشن ابكسر روسكم
قلنا له يابن الحلال ما يحتاج لاحقين عليه
قال لا ابروح اجيبه
وين راح الغبي لخالته بحي الملك فهد يعني شوفو المشوار من حي الملك فهد لحي الروضه
المهم شرف السلمي و معه البلاي ستيشن يوم شبكه بالتلفزيون الا القيور ما يشتغلن هههههههههههههههههههههه
قلنا خلاص ما يشتغلن اعقل عاد
قال لا ابروح اجيب قيور و اجي
راح اشترى قيور و جا المهم لعبت معه انا و اكسر راسه هههههههههههههه
بعدين لعب معي العربجي و كسر راسي
عاد نزل الصلمي على باله يبي يفوز على العربجي الا يوم مسخره العربجي مسخره ما بعده هههههههههههههههههه
المهم سمرنا واستانسنا وسرو الفجر ونمت انا
جاء يوم الاربعاء
طلعنا للاستراحه
كان موجود هناك الراسي والحووت وحنا يالاربعه زياده
المهم جلسنا جلسه ما تنسي
قسم بالله انواع الخبال
تخيلو نضحك بدون سبب هذا دليل على اننا كمخ مجمعه ههههههههههههه
عاد الراسي عنده اخوو يعزف على العوود و معه خوياه
دخلو داخل بالغرفه يعزفون و يطقون قلنا للراسي قلهم يجون عندنا نبي نسمع شي
يوم جوو عندنا و انواع العزف و حنا نهز معهم تقوول جانا الزار الله يدفع البلا ههههههههههههه
المهم تعشينا وجلسنا سهرنا سوالف وضحك الى الساعه 2 بالليل
طلعنا من الاستراحه قلنا نبي نروح نتمشى
وقف الصلمي الشبح حقته هو وعهد سياراتهم شبحات (كوريلا متكسره)
وركبنا مع ابو عربق على الكامري هووووووووا يالزحفان خخخخخخخخخـ
المهم رحنا للتخصصي والتحليه نتمشى الى الفجر
يوم صلينا نزلنا وكل واحد راح لدربه
رجعت انا والصلمي للشقه
انا اختباري الساعه 10 الصبح
قلت للصلمي نبي نتكي عند الدش واذا صارت 8 نطلع
قال الصلمي قدام
المهم طلعنا على الساعه 8
المشكله ما ادري وين هو فيه المستشفى اللي بمتحن فيه خخخخخخخخخخـ
<<<< من زود الدلاخه ههههههههههههه
الي اعرفه ان المستشفى حول حراج بن قاسم
رحنا فرينا هناك ودخلنا للبطحاء من الدباشه هههههههههههه
المهم مرينا اكثر من ثلاث مستشفيات خاصه قالو لي وش تقول انت اي اختبار
انا بلشت بعمري هذا اختبار وظيفه يعن ما يفوت
بالاخير لقينا مستشفى الايمان
دخلت للاداره اسال عن الامتحان
قالو ما عندنا لك شي ما فيه امتحان
انا ابتشلت لاني سالتهم قلت حولكم مستشفى قالو لا
اتصلت على واحد من خوياي كان مختبر عندهم قبل
قال يا كمخه بنفس المستشفى بس لهم بوابه ثانيه
رحت لبوابه ثانيه ولقيناهم اخيرا
نزلت اشوف امتحاني
لقيت اسمي والامتحان الساعه 10
رجعت للصلمي قلت امش نفطر بس ونرجع للختبار يمدينا
قال قدام
رحنا افطرنا اقدها فول وتميس وشكشوكه وعدس خخخخخخخخخخخخخخخـ
المهم رجعنا للمستشفى الساعه عشر الا ربع تقريبا
جلسنا بالسياره نتحرى الموعد
الا هذا واحد من خوياي بالمعهد مقبل علينا
نزلت انا وسلمت عليه وسوالف
قال لي هاه وش سويت بالامتحان قلت ما عليك دارسن زين بس الله يعين ما يجي صعب
قال اي صعب انت وخشك ترى اختبرنا
<< انواع علامات التعجب
وش اختبرتو يا كمخه مو الاختبار الساعه 10
قال قدموه قبل اسبوع صار تسع رح اركض اغديهم يسمحوون لك
انا رحت اركض من غير شعوور
دخلت المبنى ورقيت للدور الثاني
لقيت الدكتور المصري
قلت له وين قاعه اختبار الاشعه
قال انت تخصصك ايه ؟؟
قلت اشعه
قال يا بني الامتحان انتهى ما مفيش فايده يابني
قلت له يابن الحلال ماني من اهل الديره وجلست اتعذر شوي واصيح
قال لي اسمع يا بني روح تحت للدكتور الفلاني اؤله على اللي حصل
قلت طيب رحت ادور عليه يوم لقيته قلت له قال رح للقاعه الفلانيه
رحت هناك لقيت كم طالب مثل حالتي
المهم اختبرنا وتيسرت ابشركم
يوم طلعت قال لي الدكتور المصري اسمع يابني
قلت هاه
قال عندك امتحان الاسبوع القاي عملي يعني امتحان اهم من ده
قلت له بالله عليك ليش ما يصير الحين
قال لا ما يصحش لازم تكون مع زملائك
قلت طيب بس لا تصيح علينا
طلعت لقيت الصلمي نايم بالسياره الدلخ
قومته وقلت يالله على الشقه
المهم رحنا للشقه ونمنا الى المغرب الله يدفع البلا بس
يوم قمنا طلعنا تعرفون يوم خميس وتمشي وحركات
يوم صار اخر الليل قال تبينا نروح لمقهى انترنت
قلت قدام
قال اعرف لك واحد زين
قلت يالله
رحنا ودخلنا شات وناسه وسوالف وضحك
انا نكي بالشات محشش مأجر الدور العلوي
هنا الزبده من كل هالسالفه
المهم جلسنا الى قبل اذان الفجر بنص ساعه وطلعنا من المقهى
قال الصلمي وش رايك نروح للشقه والا نرجع بعد الصلاه
انا قلت بكيفك
قال خلاص نبي ندور شوي الى ما يذن نصلي ونرجع
جلسنا ندور
انا من كثر الدوران دخت ونمت بالسياره
يوم اذن الفجر وقف الصلمي عند المسجد
تجي السالفه
انا اسمي محد وهو يبي يقومني للصلاه
الصلمي : محشش يالله قم الصلاه يالله اذن اخلص
محمد اللي هو انا :ما صحيت انا الى الحين ولا استوعبت السالفه
الصلمي : محشش مأجر الدور العلوي يالله يبي يقيم المسجد اخلص
انا : تقل صحيت شوي بس ما استوعبت قلت يمكن احلم
الصلمي : محشش مأجر الدور العلوي يالله ترى الامام شكله عجل خلنا نلحق
المشكله ان الصلمي متحمس وهو يقول محشش
انا لا شعوريا فطست من الضحك
الصلمي انفجر مثلي
شكله توه يستوعب السالفه
المهم نزلنا نصلي
قسم بالله يالربع صلاتنا الله اعلم به
انا عن نفسي بالموت ماسك نفسي من الضحك على السالفه
يوم طلعنا ضحكنا ضحك بالسياره قسم بالله اللي يشوفنا يقول هذولا سكارى الله يدفع البلا
رجعنا للمقهى وكملنا جلستنا بالشات وهبلنا بخلق الله وروقنا من هالسالفه
على الله تعجبكم السالفه
اعذرووونا على الاطاله
مواقع النشر (المفضلة)