&المبانـــــــــــي&

[تحدوها البشر]

السلاااااااام عليكم جميعا
اخباركم؟؟
جبت لكم قصيده انا متأكده انها بتعجبكم
لانها بصراحه خياااااااااال
هذي هي القصيده اقروها واحكموا



جابك الله من فراق ضيق صدور المبانى
قبل لا الوحشه تزعزع بيتك الصلب وتبيده
بيتك اللي من رحلت وكل جدرانه تعانى
ماتحمل ينتظر شهرين وعيونك بعيده
الله العالم لو انك جيت متأخر ثوانى
ماتشوف الا بقايا من حصاه ومن حديده
من عرفتك وانت ضايع من موانى لي موانى
وتارك قلبي يولع من وقيده لي وقيده
ضاع عمري بس احد بها الليالي وتحدانى
وانت لاتشبع غياب ولاتخاف من النقيده
ودي اتحمد لك على السلامه مامدانى
كل ماتوصل برحله ترجع برحله جديده
دام تدرى كل وجه غير وجه الله فانى
ياخى اكسب لك ثواب وخاف ربك في عبيده
كان فيني عيب قل فيك العيب الفلانى
كان هرجى مزعلك في شي قلي لاتعيده
لعنبوك ان مت بيدك وش بيفكك من خوانى
لاحزنوا ربعى ومت شاللي تستفيده
ليه تصغر في عيونى وانت برقاب الفوانى
عيب تستسهل طعونى وانت خابرها وليده
انت منت اللي عشقته اكيد انت انسان ثانى
كيف صرت بها البرود وهالاحاسيس البليده
وين حبك للزعل وين العناد الاولانى
وين حنيه زمان وفرحه العمر الرغيده
وين ذاك اللي ليا اقبل مايبات الا بأمانى
وين راح اللي ليا قفا مايروح الا فقيده
واحد من جابه الله بس يامر ويعصانى
الوحيد اللي اخافه غصب وامشي معه سيده
مابغيت اطيح بيده ليت ماربي بلانى
والا انا لوهى بكيفي مابغيت اطيح بيده
ذاك بس اللي ليا من شفته يلخبط كيانى
ذاك من نظره ينشف دم قلبي في وريده
قبل اشوفه اجمع له احلى القصايد والمعاني
وان لقيته ماعرفت اقول لي جمله مفيده
الف مره قبله اعد القصيده من لسانى
ولعنبوه ان جيت عنده قمت أخربط بالقصيده
امدحه وانا ادري انه لوتباطانى نسانى
انصحه وانا اعرفه مجنون وافكاره عنيده
من يسوي بي سواتك يالرهيف الاسمرانى
منهو من الناس غيرك غلطته ترفع رصيده
من يقص جناح طيرك وانت اعز انسان جانى
كيف اخاف رماح غيرك وانت طعناتك سديده
ان تبعتك اتبعك من طيبي وواسع بطاني
والا انا لاجيت اكيد انسان تدري كيف اكيده
اقدر انزع ثوب طيبي والبس ثياب الاناني
واقدر اطلع من عذابي والعب بدورك واجيده
وان بغيت اكسب رهانى بأي وقت اكسب رهانى
واخدعك بأحساس كاذب واتحدى من يصيده
ابك انا لاشفت خلي حط غيري في مكانى
والله اني لا أتركه وأصد وأعشق سيد سيـــــده
خلني داخل حدودك واجبر بخاطر زماني
اكذب في باقي وعودك واصدق بلحظه سعيده
انتشلني من برودك لوتولع بالمحانى
عطني احساس بوجودك وأخذ كل اللي تريده
تكفى واليا قلت تكفى بيع خلق الله عشانى
لاتضيع من يدينى فرصه العمر الوحيدة
جيت ما ابيك تحتقرنى جيت ابيك تعز شاني
جيت ابي فزعه ضلوعك من مشاعرك البليده
يعلم الله شفت منك ومن غيابك ماكفاني
كان تقدر تخفف هم قلبي لاتزيده
شف غيابك وش يسوي بالصدور وبالمبانى
وانت تدري كيف كانت صدمه غيابك شديده
والله انك لو وصلت البيت متأخلر ثواني
مالقيت الا بقايا من حصاه ومن حديده

[الحوراء بنت نجد]

تحدوها البشر

فعلآ قصيده رائعه وجميله وتدل على ذوق ناقلها

فقد تذوق بذوقه وحسه الشاعري معاني القصيده

بس ياليت نعرف شاعرها000

هلا وغلا فيك وفي تواصلك بهذا النقل الرئع

تحيه من 00الحوراء00بنت نجد

[صافي المَشْرَبْ]

اشكرك اختي

تحدوها البشر

على الابيات الروعه,,,


تحياتي/

قصيمي يجرح ويداوي

[لحن ألمشآعر]

أختي تحدوه البشر




والله انك لو وصلت البيت متأخلر ثواني
مالقيت الا بقايا من حصاه ومن حديده





الله الله عليك وعلى هالرائعه



تسلمين كلك حتى ترضين قصيده جميله جداً





دمتي لنااااااااااا ولهاذا الصرح الشامخ




تقبلي تحيتي


أخوكـ



سلمان المطيري ( لحن ألمشآعر )



في إنتضار إبداعكـ

[تحدوها البشر]

الحوراء مشكورة اخنى على المرور نورتى المكان
والقصيده هي لشاعر الكبير حامد زيد

اخوى قصيمي +لحن المشاعر
مشكورين على المرور وهذا من ذوقكم