الشـايب والبنت ....لعـود عــود وطايـحـاتٍ سنـونـه ,, من كثر ما يرقد على جـرة الذيـب
بسـم اللـه الـرحمن الـرحيـم
مــآجـور كلـن بنكــه .
الشايب والبنت ,,,
بدايه القصه عن شايب اسمه حمدان ( قلبه ابيض )
ما يشوف بنت الا ينفتن ومشهور بانه حبيب ,,
فيه بنت ملكعه وراعية مقالب قالت في نفسها انا ليه ما اروح للشايب وامازحه
واضحكه شوي واشوف ردة فعله كيف تكون ؟؟
راحت له وردت عليه السلام كيف حالك يا شايب رد السلام والله بخير الله يعافيتس
وفجأه عطته ظهرها ومشت ولا استأذنت منه ولا شي,,
ولع الشايب من حركتها قال فيها كم بيت يستعطفها فيها ويقول انها ذكرته الماضي و اذا
ما عطيتيني وجه لحقت باخوي حمود اللي في قبره ويذكر التاريخ واليوم اللي قابلها فيه
يقول الشايب :
[poem=font="Courier,4,black,normal,normal" bkcolor="transparent" bkimage="" border="none,6,gray" type=0 line=0 align=center use=ex num="0,black"]
يا بنت خوذي خاطري وارحميني=لا تجرحين العود بعيونك السـود
غضي نظرك وغطي الوجنتينـي=لعل يومٍ جدد الجرح مـا يعـود
يوم انتهى مع مرمسات السنيني=جتني صواديفه على غير مقصود
باول شهر عشره نهار الثنينـي=حمدان مروا به على جنازة حمود [/poem]
البنت كانت تقصد من استفزازه انها تجاريه في الشعر وترد عليه والمسكين ما كان يدري
انها شاعره وعلى باله ما خذ راحته في التغزل
ردت عليه وهزأته تقول : images9
[poem=font="Courier,4,black,normal,normal" bkcolor="transparent" bkimage="" border="none,6,gray" type=0 line=0 align=center use=ex num="0,black"]
يا شايب الرحمن وينـك ووينـي=عزي لحالك قدمك الباب مسـدود
قلبك عطوف وجاه قلـبٍ متينـي=والبنت ما تشفق على مغازل العود
حبل الرجا مقطوع بينـك وبينـي=مثل الغليث اللي رعا قلبه الـدود
اقفى شبابـك والعـرب مقبلينـي=يا عود ما يرجع من العمر مفقود [/poem]
حطمته يوم قالت له انك كبير وان الشباب ما يرجع
وان ما فيه امل تعطيه وجه حس الشايب انه تورط
وقال كم بيت يقول لها صدي عني انه ما يبي الغزل بعد ما وصل عمره ثمانين سنه im1
يقول حمدان :
[poem=font="Courier,4,black,normal,normal" bkcolor="transparent" bkimage="" border="none,6,gray" type=0 line=0 align=center use=ex num="0,black"]
يا بنت صدي بالعيـون الظليلـه=لا صد عنك الله نهـار القيامـه
مالي ومالك يالفـروع الطويلـه=لو فيك من رسم البداوه علامـه
يابنت ما لـي بالثمانيـن حيلـه=اهدف كما تهدف على البير قامه
اقفى شبابي والدهر شفت ميلـه=يالله حسـن الخاتمـه والسلامـه
اعطيك موجز والبضاعـه قليلـه=واخذت لك من صافي الماء سنامه[/poem]
راحت الايام والشايب مسكين سنه خذله معها
هو شايب وهي بنت وتقول له كيف اعطي شايب وجه
بعد فتره مرته مره ثانيه وردت عليه السلام واستفزته وراحت وخلته
ولع الشايب وقال ليه ما ابين لها
في كم بيت انها بتشيب مثلي واني رجال طيب وان الناس تنصاني ومعروف بالكرم واني
ما ابي منها غير التحيه والترحيب
يقول الشايب :
[poem=font="Courier,4,black,normal,normal" bkcolor="transparent" bkimage="" border="none,6,gray" type=0 line=0 align=center use=ex num="0,black"]
يا بنت ما جاتس الكبـر والخشونـه=وعادت شباب اليوم يجفل من الشيب
ياسرع مـا وبلـك تمـزع مزونـه=يالفاتنه يـا ام الثمـان الرعابيـب
يا بنت مـا بينـي وبينـك مهونـه=كلمة شرف نبـي تحيـه وترحيـب
الله مـن عـودٍ ثقيـلـه طنـونـه=ينصاه راع المشكلـه والمواجيـب
على الكرم والديـن نفسـه حنونـه=تلقـاه بالاجـواد شـرق وتغاريـب[/poem]
جهز الابيات وارسلها مع عجوز ووعد العجوز بهديه اذا وصلت الرساله لها
راحت العجوز وعطت البنت الابيات شافتها البنت
وقفلت على العجوز في غرفه وقالت مثل ما جيتي بابياته ترجعين بابياتي
العجوز مسكينه قالت طلعيني ولا ابي منكم شي الله لا يعودكم انتم واوراقكم
ردت البنت ابيات اقوى من الاولى واكثر تحطيم مسكين الشايب ما احد رحمه
تقول البنت : :5ar:
[poem=font="Courier,4,black,normal,normal" bkcolor="transparent" bkimage="" border="none,6,gray" type=0 line=0 align=center use=ex num="0,black"]
العود عود وطايحـاتٍ سنونـه=من كثر ما يرقد على جرة الذيب
عودٍ مهرقل والعرب ما يبونـه=ياعود ما لك في طويل المراقيب
اقفى شباب العود راحت حتونه=مثل اليتيم اللي بكا ما له مجيب
جداه ينثر دمعة ٍ مـن عيونـه=غريق موجٍ ما لقا له مقاضيـب[/poem]
وسلامتــــكــــم
وايضـآ هنـالـك ,, قصــه قصيــره .. وهمــا .. حانا ومانا والزوج المسكين
يُحكى أن رجلاً في سن الكهولة تزوج زوجةً ثانية ، وكانت واحدة من زوجاته تُدعى « حانا » والأخرى تدعى « مانا » ، وكان عندما يأتي إلى الصغرى تدلـّله وتلاطفه في الكلام وتمسح على وجهه ، وتخلع بعض الشعرات البيضاء من لحيته حتى يبدو أكثر شباباً ليتناسب مع جيلها ، أما الكبرى فقد أصابتها نار الغيرة وبدأت تقلّد ضرتها في تصرفها مع زوجها ومعاملتها له ولكنها كانت تخلع الشعرات السوداء من لحيته حتى يبدو أكثر شيباً وكهولةً ليتلاءم مع جيلها هي ، وبذلك خلعت نساء الرجل شعر لحيته كله ، فصار يقول : بين حانا ومانا ضاعت لحانا
اتمنـــى انــكـــم آستمتعـو من خـلال القصتيــن .
شأكـر لكــم علـى متــابعــتكـــم .
مواقع النشر (المفضلة)