[align=center] انتي معي ولا مع الوقت ضـدي
يا جارحه قلبي جـروحٍ جديـده
مدري علامك مستمره بصـدّي
ان كان لي ذنبٍ ذنوبك عديـده
اتعبني المشـوار قيـدك بيـدّي
وش لون افكّه وانتي عني بعيـده
تمضي سنين العمر ترفض تهـدّي
وانا مْتعلّق بين ضـدّ وضديـده
ياعايشه بالوهم مـا كـان ودّي
اجرح شعورك او نزيفك ازيـده
اغراك من بالحب ماهوب قـدّي
ولا عنده اخلاصي لحبي الوحيده
الحب ماهو هـرج والاّ تحـدّي
ببعض الهدايا او بحلـو القصيـده
الحب مالـه لا قيـاسٍ وحـدّي
شيٍّ تحسه داخلـك كالوقيـده
لو يبتعد حبّك تحـسّ التـردّي
ولا من لقيته نشوتك به اكيـده
ردي عليّ الصوت يا كل بـدّي
من لي بعدك اليوم قلبـي يريـده
لاتتركيني للزمن صـار ضـدّي
يا ما دهانـي بالغـدر والمكيـده
نبضي:عروق القلب تنزف بجدّي
الى متى تنزف وحالـي شديـده
وانتي تعيشي بحلم جزرٍ ومـدّي
صدقتي الخادع بكذبـه بليـده
وأنا احبّك غصب ماهـو بيـدّي
مقدرعلى هجرك وربي شهيـده
لو ما احبّك ليه بيّحـت سـدّي
واكشف لك الخافي واكرر واعيده
ردي علـيّ الصـوت بالله ردّي
من قبل ما روحي تفارق شهيـده
أخوكم المملوح 2005 [/align]
مواقع النشر (المفضلة)