[شـاقني برق شــعق ضـوحة شمـال
قمت أراقـب وين حـروة مدهله
عـيني تخـيله شمـال عن الطـوال
وأن صدق ظني على حـدود جـبلة
أنشـرح بالي والقـلب أسـتشال
يوم حـس رعـودها عندي وصـله
نحمد الباري رزق هاك السـهال
من عقـب ما هي له أسـنين محله
وطاب لي الكيف يوم الروض سال
ونفسي للمقـناص به شوق ووله
وأهـني اللي تزهــب ثم شـــال
مســتريح من الوظـائف وعمـله
ما عنه منشـود لو ياخذ ليال
ولا شـقي بالزرع حـبه وسـبله
فوق كفـه نادر ما به أشـكال
ما بقى بريشـه من العام سمله
أشـقر ما به نزارة أو جفـال
والمواسـي فـيه سـاقه وكمـله
عـوق من صـدت عن القبلة شمال
كم خـرب من الخضـــيراء حـوله
وافي طــوله وعرضـه بالكمـال
مـنوة اللي شـاف جوله ونقله
من طيور الشـيخ شيال الثقال
شـوق أبو نواف به طـاب ودله
نادر ما حسـب لجمــع الريـال
والمراجـل رام روســه ونـزله
مواقع النشر (المفضلة)