السلام عليكم ورحمة الله وبركاته
تحياتي للجميع من مشرفين وأعضاء00000 وأرجوا أن تقبلوني كأخ جديد في المنتدى000 وبسراحه تامه جأت الى هنا صدفه000 وأعجبت بهذا الصرح الجميل00 وأود أن أدون أول مشاركاتي فيه بقصيده مقوله00000 على أمل أن تنال على إعجابكم 0000
على الله يازمن بشكي جروحي والليالي طوال
عسى راع العنا ينسى عناه وينشــــرح صدره
وعلى الله يازمن بشكي همومي والهموم ثقال
تعدت عاصمة حزني حدود العالمــــــي بأسره
خساره يالسنين اللي كتبتي قصـــــة الترحال
حزنت أمس وفرحت اليوم بس الخوف من بكـره
لساني كم شكى صمته ولامنه حــكــا ماقــال
وترى طبع السكوت يزين المحــروم من صغره
سقا الله يوم أنا كنت أضحك وبالي مريح البال
ضحوكن ماعرفت الحب وش معناه وش قــــدره
وكبرت وكبرت أحلامي وصارت قصة الترحـــال
أماني في مهب الريح حلمن ماكتمــل ســحــره
عزيزه يالعيون اللي حـظـنتي دمعـة الرجــــــال
حبستي دمعته بين المحاجــر يوم ضاع أمـــــره
وعزيزه يالحــروف اللي سكتي والكلام يقــــال
وحكيتي ماشكيتي الهم وهـــم القلب ياكبـــره
وعزيزه ياليدين اللي بـنيتـك بأصعب الأحـــــوال
أكفـك ساعة الحاجه وأمــدك سـاعـة الـقـــدره
عـزيز النفس لو يصبر على صبر الــليالي نــــــال
وأبصــر والرجل يصبر ومقيـــــاس الرجل صـبره
أنا منهو حـمـــل هـمـه على راسـه تقول عقــال
ومجـاديف الزمن دارت عليه ونســـف الغــتــــره
وأنا منهو فقد صـوته يوم إن الصوت دمه ســـال
ودعيت الله يفـــرجها علي وبحت أنــا الــنظـره
أشيل الحمل عن غيري وحملي صـار ماينشــــال
كما الشيخ الهــــزيل اللي مشيبه منقضن ظـهره
((وسلامتكم))
أخوكم
((عزيز قوم))
مواقع النشر (المفضلة)