[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
كنٌي الشمعه اللي تحترق ياســـعـود = تحترق لجل تضوي جو من حولهـا
يوم بعض الخلايق ياصديقي رقـــود = والله إني أشـــــــيل جبال بحمولهـا
الحقايق تسولف في غياب الشـــهود = والرياجيل تمــــــــدح حزة افعولها
صابرن والصبر منٌي تعدى الحـــدود = والسوالف بعضها مـــــــقدر اقولها
أشرب المر وأصبر مثل شرب النفـود = مايبيٌن عليهـا كـثــرت ســـــــيولهـا
كيف أبنسا علو من ترجموه الجــدود = يــوم هي بالمواقـف تشهد اخـيولها
ســـــود الايام تجرحني ومر القيــــود = كيف أعــدل خطايا الناس واخـبولـها
أكره اللي بطبعه للجـــمايل جــــحود = مثل مااكـــره حكي دقــاقة اطبولـــها
والله إني بغيت اجرح وأغيض الحسود = والجمايل تعرف الطيب محصـولها
وكل ماراح ماظــنـــه عــلينا يـــعـــود = آه مــقصر حـلاهــــا وآه ياطــولـــها
ماجرحني غرام مرودعات الخـدود = كــلمتن من صديق وبــــان مفعولها[/poem]
ولكم تحياتي
رد مع اقتباس
فهد المطيري
مواقع النشر (المفضلة)