*+*+ )( الغيـــره و عمــايلهـآ )( +*+*

[** جـــود الــهــمــوم **]

[align=center]°ˆ~¤®§(§ ٍ الٍسٍـٍلامٍ عٍٍلٍيٍكـٍمٍ وٍرٍحٍمٍـٍةٍ الٍلٍـهٍ وٍبٍرٍكٍـٍاٍتٍهٍ §)§®¤~ˆ°





فيه واحد ماله الا وخيتن وحده << براويه اخرى اخت وحده ويغليها مايشوف ولا يرى غيرها
وهو متزوج ولكن مانقص غلا اخته عنده عقب مااعرس

لان ابوه وامه توفوا وهم صغار ومن طلع على الدنيا وهو مايشوف الا وخيته وكبر غلاها مع الايام
لكن زوجته ماهوب عاجبها اللي يصير :6ar:
تغار ليه زوجها يغلي اخته وهي مجحوده وبدت تفكر وشلون تزحلق اخته ويفضى لها الجو مع زوجها
جتها فرصه على طبق من ذهب واستغلتها راح زوجها للحج وبقت هي واخته وقامت تفكر وش تسوي في اخته
قالت لها ومسويتن فيها ملامح بريئه وهي ام الخبث واللعانه
قالتها لها انتي تحبين اخوتس وتغلينه صح
قالت ايييه والله مالي في هالدنيا غيره لو اذبح عمري على شانه ولا يمسه البلا
قالت طيب ابلعي هالبويضتين << بيضتين ولا تقرشينهن لو ان انكسر وهي بفمتس بيصير بـ اخوتس بلا وكانها سقطت في بطنتس امورتس طيبه ويرجع لتس سالم من الحج اخوتسس ولا به الا العافييه

((الخبيثه جايبتن لها بيضة حيّه وبيضة غراب وبلعتهن المسيكينه وبقن في بطنها ))) :9ar:

وعقب فتره البيض كل ماله يكبر في بطنها
رجع اخوها من الحج
وجته مرته وقالت تعااال مادريت وش صار شفت هالملعونه وش سوت فضحتنا وكشفت سترنا وسودت وجهك
قال وش فيه قالت اختك حامل :wink:
قال اعقبببببببببببببببببببي يالخايسه اختي ماتسوي هالسوايا
قالت انا اقولك ماريتها
قال وش هي ؟
قالت خلها تفليك بالقايله واذا قالت لك ذبحتنا الشمس توديك للضلال واذا راحت للضلال قالت ذبحنا البرد خلنا نروح للشميسه
قال والحكمه ؟
قالت توحم ولا تداني لا الضلال ولا الشمس
اخوها دارت بها الدواير وضاقت به الوسيعه وراح لها كما الريح يبي يتوكد من السالفه وهو يدعي يالله عساها ماتكون صدز
وراحوا وصار اللي قالت له زوجته صدز
درى ان اخته حامل
وجلس هو وزوجته << ملعونة الجدف يفكرون وش لون يتخلصون منها ويقلعون مداها باللي هي به
قالت له ان خليناها هنا كبر بطنها وجابت لنا الفضيحه لكن اذبحها وفكنا من شرها
الدلخ صدق وقال مالها الا تسذا موتتها حلال
راح يم اخته وجلس عندها وهو مبتسم << وجه اللي به بلا ويرقع :9ar:
قال ماودتس نروح نقنص ؟؟ وهي كـ عادتها ماترد له طلب

قالت يالبيه نروح للي تبي وراحوا للبر وهو ناوين ذبحها وهم بالطريق ويتذكر سوالف قبل هو وياها وشلون تربوا جميع والايام اللي راحت وهو معها ووصية ابوه وصار شريط ينعاد في دماغه << جعله الفضخ وهو ناوي انه يذبحها ليا نامت images9
انكسر خاطره عليها وقال اجدعها ابرك من ذبحها
ويوم حل عليهم الليل نامت البنت وهي شكت بالوضع حست ان اخوها ناوين عليها نيتن شينه ويوم ناموا وهي تربط شماغه برجلها على شان مايسري ويخليها النذل قليل المروه images9
يوم شاف ان البنت نامت وهو يقطع شماغه وينحاش ويخليها لحاله بالبراري حسبي الله عليه (لحضه بصيح)
قامت البنت واتلفت تدور اخوها يااخوي وينك ياشقيقي ياعضيدي وتشوف رجلها الا الشماغ مقطوع وتقوم تبتسي
وتصيح واحسافه ليه انا وش سويت لك ياوخيي images8



سنعت نفسها البنت واعتاشت منا ومنا دبرت نفسها ومرت الايام عليها وولدت
وجابت حيـّــه و غــــراب gif22

الحيّــه دايم حولها وتلفلف عندها تحميها ولا يقرب احد حولها امها قامت تفح عليه <<

الحيوان ارحم من اخوها :21ar:

والغـراب يصيد لها من الارانب والطيور ويجيب لاأمه ..

وبقت مع عيالها ماخلوها الحيه حولها والغراب يدور لها اكل
كبر الغراب وحست انه يعتمد عليه يعني رجال في وقتنا :8ar:
قالت ياوليدي رح دور خالك وهذا شماغه شم ريحته ودوره << من الوفا الشماغ ماقطته شايلته p;jolvldkv
قال ابشششششري اجيبه لتس اللحين احووم منا ومنا لين القااااااااااااااه
الغراب كل ماشاف له احد نزل له وقام يحوم عليه يشم ريحته هو خاله ولا لا
ويلقى اكا الرجال يذبح له خروف ويقرب له ويشم الا والله هذي ريحة خاله قليل الخاتمه
وينتف من شعره
ويوم راح خاله ويغر الشماغ بالدم على شان يتبعه خاله ويتبع اثر الدم
وشين الحلايا ماتبع الغراب
راح لربعه ويقول فيه غراب يحوم علي ولا ادري وش قصته وصار الغراب كل يوم يحوم حولهم ورجع لاامه قال يمه لقيته لكن شكله مهوب يمي ساحبن علي مايرد والاشارات مانفعت وش السواة غريت الشماغ بالدم قلت يمكن تبعني
وهو ولا هو هنا
نتفت من شوشته وقلت يمكن يفهم لكن سطل مايدري وين الله قاطه :8ar:

قالت شف ياوليدي خذ هالبيت وليا شفته قلها له اغديه يفهم
قال سمي

ياخــــــــــــالنـــــــــــــا ياالطنـــــقــــره ,, يابيــــــــّــــــاع اختـــــــــــه بالمــــــــــره

الطنقره = زلابه :*


راح خاله لربعه وقالهم يالربع السالفة كذا وكذا وش الدبره علموني وش يبي مني هالغراب اللي متولجني
قالوا ليا شفته اتبعه واغديك تفهم هذا يبي منك شئ وشيّن كايد لكن الحقه وشف وش السالفه
وجا الغراب وقام يحوم على راس خاله
تبعه خاله وقام يمشي وراه لين وصلوا مغـاره
لقى حيــّــه عند باب المغــاره
ويوم شافته الحيــه وهي تلتف عليه تبي تـاكله
طلعت ام الحيــّـه قالت سعيده سعيده هذا خالتس وانا امتس

سعيده << الحيــّه :8ar:

تركته الحيــّــه وقامت تفح من الفرررحه والغراب فوق المغاااره يحوم من الوناسه خالهم رجع
اخـوها طاح حنكه من كثر ماهو فاقن خشته من هول الصدمه
وتعلمه السالفه كلها
ودرى انا اخته مضلووووووومه << وش عقبه يالتسلب .


قال وانا اخوتس والله لااخذ حقتس راجعن لتس عندي شغيله مبطي لازم اني انهيها بروح اخلصها واجيتس

وراح لزوجته الا تغسل شعرها وتطالع فيه قالت هلا هلا قلط بزيّن لك القهوه
قال انا اللي ابي ابل تسبدي بها جيبيها بس
ويوم جابت القهوه وهو يكبها على النار ويثور قال ياتسلببببببببببه ياملعونة الخيّر تتهمين اختي بشرفها وفرقتينا وخليتها بالبر كله منتس
لكن ان كان فيه احد يستاهل الذبح هو انتي قال علميني وش سويتي بها ؟؟؟
قالت له السالفه انها عطتها بيضة حيـّه وبيضة غراب على شان يكبر بطنها وتظن انها حامل وتذبحها
لانك تغليها اكثر مني
قال الموت اللي يغليتس
قال خذيها وانا ولد ابوي وذبح مرته :29ar:
ورجع لااخته ورجعت ايامهم الاوله
وقال ياخوتس اذبحي عيالتس وانا اكفيتس عنهم
قالت معصصصصصصصصصصي هذولا اللي عزوني وحموني بغيابك << :16ar:
رضخ اخوها للامر الواقع وعاش اخوها وهي وسعيّده والغراب وعاشوا عيشه هنيّه .. im8

______________________________________________


قصــه عجبتني ولطشتهـا :*

بس ما أظـن انهـا صـدز << آنعـدت :*

قصص مثل هذي تعتبر من الاساطير الشعبية اللي انتشرت بين الاولين ....

القصد منها اما التسلية او العبرة ...


أتمنــى تعجبكـــم .. im3


:


:


جـــــ ˇˆJo0oD ˆˇـــــود[/align]

[ღرٍيمية آلـjjjـرٍقيةღ]

مكـــرٍرٍ