المشاركة الأصلية كتبت بواسطة العاشق2
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
النـاس لامونـي وانـا ماعلـي لـوم=في حب عمهوج مـن البيـض عفـرا
لو انهـا فـي مـدة الفـرس والـروم=لعبت بقيصر وسهـرت عيـن كسـرا
يلومنـي مـن لاجفـا عينـه الـنـوم=من لايجـاذب دمعتـه كـل عصـرا
ماهو مثلـي مـن زمانيـن مضيـوم=ليلآ صويب وليل من ضمـن الاسـرا
اقرا مواضيع امس وكتب عـن اليـوم=وانحد نشدني قلـت لاكتـب ولا قـرا
حب النقا راعيـه بالصمـت ملـزوم=وان بحـال الـحـب وخـبـاره ادرا
وجدي على اللـي قربهـا غايتـي دوم=اللـي تلاوعنـي بصمـت وهـجـرا
الجـادل اللـي حبهـا سـر مكـتـوم=ورمـوز قصـه واقعـيـه وذكــرا
في صمتها الراهب مواضيـع وعلـوم=تلهيك عن باقـي المواضيـع لاخـرا
جمالها عنـد اجمـل الخلـق معـدوم=وموصفه شمسً علـى وصـف بـدرا
مثل الهلال حجاجهـا كنـه مرسـوم=والخـد بـدرآ ولجعـد ليـل غــدرا
والعين بحر عـازل قـوم عـن قـوم=لبسـوا السـواد ومحتضيـن للمسـرا
وخاتـم سليمـان بـه الـدر منضـوم=والشفتيـن تـقـول وقــاد جـمـرا
والعنق سلة هنـد فـي كـف زيـزوم=طـلاب ثـأرٍ صبـح القـوم فجـرا
وعقـدآ تلامـع بـه قناديـل ونجـوم=وتفاحتيـن فـي بساتـيـن خـضـرا
ملهوفة السرجـوف والـورك مزمـوم=كنـه يعـوذ مـن الجدايـل ويـبـرا
والفخذ بغدادي على الوصـف مبـروم=تصفـق عليـه بكفهـا يـوم تــزرا
والي حضابهايوصف من الجيش مهزوم=قفـا وراياتـه مـن الــدم حـمـرا
بلهون تتخطر علـى الـدرب وتهـوم=مغـروره طفلـه ثـمـان وعـشـرا
تقعد لها الدنيـا علـى سـاق وتقـوم=وتميل معاهـا ميـل شـراب خمـرا
تسبيـك تستيسـرك ترميـك بسهـوم=والجرح منهـا صايـب ليـس يبـرا
لو شافهـا الـي لاصـلاة ولاصـوم=رتل عليهـا سـورة الشمـس جهـرا
هـذا وانـا هيمـان هايـم ومهمـوم=ولهـان لاتصبـر ولا اطيـق صبـرا [/poem]
مواقع النشر (المفضلة)