اللي عليها الغنج طبق راحتيه ... والغنج خصلة تحتوي خصايله
اللي عليها الغنج طبق راحتيه ... والغنج خصلة تحتوي خصايله
دايم مفضح بي وأنا ما أقول ليه ... فضايحه ستر الهموم الجايله
صغير ومدلع ومزيون ونبيه ... أخذت لي عامين وأنا احايله
جيته رجل عاقل مع خافق سفيه ... ما لوذه دم الحياة الزايله
أنا فدى الغمازتين بوجنتيه ... وذبح قلبي وا كبر غوايله
والموت لا سولف وعض بشفتيه ... أيقنت بحضوض العباد المايله
هذا وهو ملقوف وعناده كريه ... أليا ركب راسه وقام يشايله
أليا زعل حتى اتصالي ما يبيه ... وليا رضي يزعل على موبايله
وان شافني زعلان والخوض يحديه ... شبع الجوال من رسايله
بزر قسم وجه الدلع عشرة وجيه ... وتعددت على الدلع فضايله
مدلعه جده برغبة والديه ... تدليع جد وتختلف وسايله
وانا الضحيه والبزر ماله شبيه ... عنده لرفع الضغط قدره هايله
لا شافني مقبل يسلهم ناظريه ... سلهام خبث ونيته متحايله
وان قلت له بشويش شب الله عليه ... قام يتكسر واسبلت جدايله
وسمعته يتمتم ويشر لي بيديه ... والله لا اطلع لك نجوم القايله
دلوع ما همه وانا مجبور فيه ... ومسامحه مهما تكن عمايله
دامه يعرف اني على ايت حال ابيه ... وشلون الومه واتقي حبايله
حفيت سبايت القدم منه وليه ... ما غير اقابل بيتهم واخايله
وانا علشان اجيه لا حبيت اجيه ... صاحبت من شان اجي معي العايله
تحياتي/
قصيمي يجرح ويداوي
رد مع اقتباس
المشاركة الأصلية كتبت بواسطة فلاويه جداويه
قصيمي يجرح ويداوي هلابك بعد غيـــــــــاب
مواقع النشر (المفضلة)