قم يانديمي
::
::
::
::
::
مساء / صباح الخير
هناك اشياء لاتستطيع ان تخفيها
وقد تكون القصيده المتنفس الوحيد لها
هاضت مشاعر القصيد
واتت بهذه القصيده
ارجو ان تنال الرضاء والقبول
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قم يانديمي وهـات الطيـب والعـود = لحروف فكري وروّق لـي مزاجـه
لاغابت الشمس عانـه هبّـت النـود = في جوّ صافـي ولا ثـوّر عجاجـه
ثم جيب عودك وشبّ النّار في العود = في ليل .. نورالقمر .. والحرف تاجه
واكتب على مايهيـض البـال ياكـود = ايكون بلسم على .. جرح وعلاجـه
حرفٍ شطير بوصوف السيف محدود = واضح بحرفه .. ووصفه .. وانتهاجه
شاعر ولي بصمتي والشيـن منقـود = والحرف.. اميّز حسانه من عراجـه
الرجل لاصار ذكره في ذرى العـود = ولاكان له مع هـل المجـد ادّراجـه
راحت حياته خساره .. مابهـا فـود = وش عقب طول الزمن غير انعواجـه
ياهيه ياللّي تخبّص عـاد مـع هـود = بعض الحكي مايحمّض من سماجـه
مايقضي اللازم .. الا راعي الفـود = مايرتجي من ورى هالنـاس حاجـه
واللّي غدت حاجته في يدين نمـرود = خلّه يعمعم .. مثـل راس الدجاجـه
الفرق واضح مثال النقـص والـزود = وكلٍّ ورى سلعتـه.. يتبـع خراجـه
واللّي سلب خافقي بالزيـن مشهـود = زود الحلا .. والبهى زايـد غناجـه
ممشوق قدٍّ .. وزود عيونـه السـود = لامن بـدا .. خافقـي زاد احتلاجـه
والمبسم اللّي سـوات العـدّ مـورود = والماء تميّز.. حلاته.. مـن هماجـه
ابو وصوفٍ تمام .. وطلـح منضـود = لاشافنـي فـلّ .. ماعقّـد حجاجـه
دامك زرعت العنب واعطاك عنقـود = اللّي زرعته وفـا واحصـد نتاجـه
لك عام ماجيتنـي .. ياليّـن العـود = يانور ليلي .. وضيّـه .. ياسراجـه
طالبك لاتاخـذك شرهـات وحـدود = وانا طلبتك .. ولا تخشـى المواجـه
لابـد مانلتقـي فـي يـوم مـاعـود = لابد مايـوم اشوفـك ... وانتواجـه [/poem]
وسلامة قلوبكم جميع
نواف المطيري
رد مع اقتباس
المشاركة الأصلية كتبت بواسطة نواف المطيري
مواقع النشر (المفضلة)