( فـــــلـــــســـــفــــــة عـــــــــــقّـــــــــــال ) اهداء للجميـــــع
( فـــــلـــــســـــفــــــة عـــــــــــقّـــــــــــال )
على رتم العقول اللي تعالج وضعها بهْبال ***
سرى ليـل القلـوب اللـي تهـاوت فـي مساحاتـي
وانا ماعاد لي قلب ٍ ايلا من قال , قال وطال***
ولالـي غيـر زفـرات القصيـد وطيـب هقواتـي
أتابع فيك مفرود القصايد وافتخر واخْتال***
وأحـس احيـان بحْـروق الحـروف وحـر جمراتـي
أنا لو جيت لك مجنون قولـي فلسفـة عقال***
واجِبْـري كسـر تنوينـي معـاك ابْرفـع ضمّاتـي
اباغيّـر مفاهيـم النحـو والصـرف والاهمال**
وقانـون البلاغـه والعـروض ابْكـل كلمـاتـي
أبا اخلق نون للنّسوه , وبافتـح بـاب للإحلال***
وابـدّل جمعكـم مفـرد وبَارفـع كـل كسراتـي
أبا انصب مبتداك بْكاف وامسح منْه حرف الدال***
واحط اللام فـي وسطـه يبيّـن سـر مأساتـي
ابا الْعن خامس الفاعل , وأغيّر صيغة الافعال***
واحطه في خبر كـانَ , واجـدّد شكـل صفحاتـي
ابا الغي سيْبويه ابْحرفْ , واصْنع بالنّقاط اجيال***
وبَاشْطب طرْح أبو الأسود مع خالـص تحياتـي
أبيك انتي اجابة منْ , وعطف الواو , واسم الحال***
وابيك الفعل والفاعل , وكل أهـداف نظراتـي
أبيك انتي قواعد صرف , وحزم الجد واستهبال***
وابيكاعْقول تفكيري , وصوت الكـذب بسكاتـي
أبا اعقد مؤتمر قمه , وبافْرض حظر للتجوال***
وبَامْنع رجـة امعمّـر , مـن الغـاء إجْتماعاتـي
ابادعي قلبي وعقلي , وكل احساس صال***
وجال واباجْمع كـل احزابـي , نقـرّر ماهـو آتـي :
بما أنّ الظروف الآن , لاتسمـح بأيّـة حال***
بـأي اجـراء روتينـي , علـى سائـر دويلاتـي
عليه الآن , فلْيعْلنْ , طوارىء والحمول اثْقال***
ومنْك انتي , ايصير اول , ظهـوري وانتصاراتـي
أبي كفْ , وهدبْ عينْ , ونقاوةْ قلب واستبسال***
وابيك القائـد الاعلـى , لكـل اجْيـوش قواتـي
ابي وقفه , من اعْيونك , تكفّي عن مية رجّال***
ا بي فزعه , وابي نزعه , وأغيّر كـل نزعاتـي
وانا اخترتك لأن اسمك , يسرّي بي شجون ٍ طال***
يشجعني على العليا , واحقّـق كـل طموحاتـي
لانّك رحمة الكافل , بعين ايتـام وام اعْيال***
ولانّـك سطـوة القاسـي , بعيـن ادْمـوع وجناتـي
ولانّي كل ماشفتك , عطيت الحمْـل والحمّـال***
أ هابـك هيبـة العالـم , لحزنـي وانفعالاتـي
أناظر عينك اليمنى , واشوف الليل والموال***
وأناظر عينـك اليسـرى , أشـوف ابشـع نهاياتـي
واضيع اهناك مابين الرموش وبين حبّة خال***
واحب المـوت لعيونـك , وكنْـه اجمـل محطاتـي
أنا جيتك ولع عاشق , يدوّر فيك راحة بـال***
ولا فكـرت لـو لحظـه , بجرحـك لـو بأبياتـي
أنا الدمعه وهي دمعه , اذا طاحت وهي اذلال***
أ مـد الْهـا هـدب عينـي , والحّفهـا عباياتـي
واخلّي رمش يحظنها , ورمش الْْها يصير اظلال***
حرام اتموت في عيني , وهي رمـز لمعاناتـي
وبعد هذا تجين انتي , تسوقين الجروح أشكال ؟***
وأنا اللي كنْت احِسْب انّك , حلاة الروح في ذاتي ؟
أما تخْشينَ أنْ يفْنى , بِفعْلُك ِ شاعـرٌ قـد آل****
بجرحِـكِ للْهَـلاك امسـى , طريـح الإلتفاتاتـي
ألا ويحَ القُلوبْ اللي , تِهِدْ ابْصَدْ صُـمْ اجِبـال***
والا ويحـي اذا بارضـى , هوانـي أو مذلاتـي
تراني ساكت ابْكيفي , واذا شفت المعدّل***
مال ابا اغْسل كـل مافينـي , مـن احساسـي بزفراتـي
وابا حرّم على نفسي , لو اسْتسلمت لبساعقال***
ولو ما الغيـت طاريِّـك , نهائـي مـن سجلاتـي
وترى اللي فات ذا كلّه , مجرد فلسفةعقال***
وانا عاقل وامـوت ابْـرك , ولاترخـص قناعاتـي
_________________________
خالص الود والاحترام لكم اخوكم . . . . shmaly
رد مع اقتباس
ريان الشمري منووووووووووووور هلاوغلا (بشمــــــــــــــر)
مواقع النشر (المفضلة)