عندما يتجلى الابداع وتتكلم المعاني وتسموا بمخيلة شاعرها الى الافق
فهو بلاشك يتحدث عن قصة ابداع اتقن مبدعها صقلها وتفنن في روعة
منظرها وجمال صياغتها فتصبح كما غيمة تخيل على عشاق الشعر درراً
وتحفاً فريدة من نماذج الشعر الشعبي واسلوباً فريداً في احتضان القصيدة
الرائعة برد أروع ,,, هنا تتجلى شخصية شعرية متألقه ومبدعة وهي ,,
الشاعره شموخ ومهابه لكي ترد على شاعر كبير بحجم تركي المطيري الملقب بـ تركي 2000
وإليكم قصيدة تركي المطيري ويليها رد الشاعره شموخ ومهابه
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ماني مجازيك في صدك وهجرانك = ودعتك الله وتلقى واحد(ن) ثانـي
أتعبت الأعيان والأقدام من شانـك = وانته ولا شيء سوّيته على شاني
فزيت لك يوم قلت اسمك وعنوانك = لو كان ما تنتمي لأسمي وعنواني
ما جيت ادورك والا اطـق بيبانـك = والا اترجاك مثـل فـلان وفلانـي
انته الذي جيت لي واعلنت بلسانك = انك على شوفتي جايع وعطشانـي
صدقت هرجك ومنطوقك من لسانك = واقبلت لك مندفع من كل وجدانـي
ما كنت أفكر يجي في يوم نسيانك = وانساك وانته معاهدني ما تنساني
الا بعد ما قريت الكـذب فأعيانـك = حاولت اودعك وانسى كل ما كاني
خلاص ماني بمتعني علـى شانـك = ودعتك الله وتلقى واحد(ن) ثانـي [/poem]
رد الشاعره شموخ ومهابه على الشاعر تركي المطيري
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياللي نسيت الغلا وأبغضت صدقانك = ما كنت أفكربها تنـوي بهجرانـي
أرخيت سمعك لما قالوه عدوانـك = وصدقت بي يا عديم العرف عدواني
خليت راع المعزه مثل من هانـك = وغيرت سلم المحبه عبر الأزماني
ويومنها بَيّنَـت سكٌـرت بيبانـك = مالك مداخيـل يالخايـن لبيبانـي
يحرم عليّه حرام أنظـر لوجدانـك = وأقول مشكور للي عنـك عزانـي
يا معامل اللي يحبك مثل من خانك = كشفت خافيك يا غـادر وخوانـي
بأسباب فعل الخطأ نزلت ميزانـك = وانا خلصت وهدمت اجدار بنيانـي
سفينة الحب مـا تمشـي بربانـك = فعلت لك فعل لا سُوي ولا كانـي
ميّز بقولك وناظر صـح بأعيانـك = وشاور بما قلت لي ذربين الإيمانـي
راجع بيوتك وتلقى اخطاك بلسانك = وش مقصدك يوم قلت فلان وفلاني [/poem]
ولكم تحياتي
مواقع النشر (المفضلة)