[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحة ساهر والدمــع يجري=والقـلب حزن ٍ على فرقا حبيبه
كريم يــابارق ٍينوض حدري=واللـي سرى بالغداري يقتدي به
واللي ضرب وادي ٍ خلاه يـجري=عسى طروش البوادي ترتوي به
متخفي ٍ لابس ٍ لـه بشــــت بدري=حسبي علــى البشت واللي غرني به
يامدمج الساق حالي مــنك مبري=بري النجاجير عيدان صليبه
ابو قرون ٍ تغذّى بالشمطري=مثل السفايف عــلى كور النجيبه
ابو عيون ٍ ليا دلّـــت تخزري=ترمي بالاسباب ويل اللـي تصيبه
ابو خديد يشــــادي نجم فجري=والا القمر لا انتحـى يبغي مغيبه
ابو نهيد ٍ كما الــفنجال زبري=ويمزّع الثوب من حال غصيبه
ياليتني عالــم ٍ للـغيب وادري=عن غض الانهاد من هو من نصيبه
ياليتني حايـــف ٍ ويقال خبري=انهب صخيف الحشا ثم أغدي به
من طاب لي طبت لــه والــكل يدري=واللي تغلا عـلينا وش نبيبه
ان مت حطو بدرب البيض قــبـري=تكفون حطـوا على قبري نصيبه
يامن يرد الحبيب ويــاخذ اجري=قفـّا بلا سبة ٍ ربـي حسيبه
ماقــدر الله على المــخـلوق يجري=والعبد لزم ٍ تـرى ياخذ نصيبه
وآقوّ ماصابني وآقــوّ صبـري=لعل ماصابــني منه يصيبه
يالله طلباك مغني كـــــل فقري=كل عـلى قد حاله تعتني به
[/poem]
سليمان بن شريم
مواقع النشر (المفضلة)