آحــبـــك
أحبك طفل ٍ أعمى قاضب ٍ ثوبك يخاف يضيع
وأحبك شايب ٍ قـرب يمـوت بغيبـة عيالـه
وأحبك نظرة عيون ٍ غزتها حسّرة التوديع
وأحبـك وردة ٍ ماتـت ولا جـا اللـي بتهدالـه
وأحبك منظر الثلج إن بدا فوق السفوح يميـع
كأنـه دمعـة الحـر السنافـي بيـن عذّالـه
وأحبك ريح تنثرني قصايص مالها تجميع
وأحبك شي فـي نفـس العطـر ليديـك ماقالـه
وأحبك صرخة ٍ فيها سوالف رحلة التلويع
وأحبـك عاشـق ٍ ماتـت حبيبـة عمـره قبالـه
وأحبك سر مايخفى ولايمكن بيوم يشيع
وأحبـك شمـع كلـه ذاب مايـدري مـن أضوالـه
وأحبك مجلس أجواد ٍ مشرع بابهم تشريع
والى جاء مـن هجدهـم قبـل يقعـد جـاه فنجالـه
وأحبك غبنة ام ٍ عقدها ياللأسف مابيع
ولدها صابه اللـي خـذ قبـل حـول السنـه خالـه
وأحبك طفلة ٍ تحبي على صدري وأخاف تضيع
وأحبك شايب ٍ ضمّ وكسر ضلع أصغر عياله
تـــحـياتــي،،،،
رد مع اقتباس
صايد المها
مواقع النشر (المفضلة)