عطني صبر
واعيش لك طول العمر كنك معي
وفا السنين الماضيه نفد معه كل الصبر
عطني وعد بمواصيلك
ضد الزمن والمدعي
وان مريوم وخنتني
ما خنتني خان العذر
إنت الطريق برحلتي وانت المكان
ومطمعي
كل الليالي ليلتك
يذوب قلبي لك سهر
أصنع سبب لمجادلك
يطرب لصوتك مسمعي
وبالعين شايل صورتك
اشوفها كل الصور
وجه الحياة بناظرك يرسم أماني مطلعي
وليل الشعر لو ينتثر بعثر ضيا خذ القمر
نسيت نفسي فيك لو تشهد سنينك مصرعي
كيف اطردك من عالمي
ما دمت تفكير الفكر
لو ما أقول احتاج لك
يذيع سري مدمعي
عين الغلا لو كابرت
تفضح تفاصيل الخبر
حبيب عمري والعمر
وحروف حبك اضلعي
تسري بدمي
واكتبك أعذب حكايات العمر
عشت الحقيقه بالوهم
على أمل همسة وعي
وقف زماني ساعته
بس الزمن ما ينتظر
تقبلوا تحياتي وتقديري
مواقع النشر (المفضلة)