الوقت من دونك ثوانيه ساعات
والوقت في حكمه على القلب جاني

في وسط قلبي أكتم أوجاع وآهات
وأقول يمكن يــوم أحـقـق أمـاني

ياحسرتي عمري بدون الفرح فات
واظن بسوء الحــظ ربي بـلاني

قلت الأمل وإلا الأمل لحظته مات
وكل أمل يولـد يمــوت بثــواني

حتى الأمل أستكثره وقتي حسرات
وســوء حظي بالمتاعب رماني

هذا زمـن ماله معي أي وقفــات
والوقت جرعني المراره وسقاني

أحاول أفرح وأنسي القلب مافات
لكن حظـي الــردي مـانســاني

واحاول أفرح لودقيقه ولحظات
لكن من مثلي كتـب له يعــاني

وارسم ملامح وجه فيه إبتسامات
وانا أخفي العبــرات لاحدٍ يراني

وإن أبتسمت من داخلي أموت بسكات
القلب ينــزف والفـرح قـد جفــاني

ياما كرهت النفس في بعض حزات
وياما تمنيت أنمحي من زماني

ويلات يادرب الحزن منك ويلات
ياللي من أحلى أيام عمري خذاني

أشوف حظي صايرٍ لي معانـات
وأول معاناتي ضيــاع الأمـاني

اتمنى ان تنال على اذواقكم
ولكم مني كل التحايا