الصدق
افتقدنا الصدق في هذا الزمان
مابقى للحب معنى للاسف
الوفي عقب الوفا جافا وخان
والردي اخطا وكابر مااعترف
الجمال اللي ظمى يرجي حنان
ارتوي وراح وتغير وانحرف
مايبي لي يوم ابحكي ترجمان
اكتشف اني متوهم بالصدف
الكذب والغش والتقصير بان
بين زيف العاطفة وحب الترف
كان ياما كان كان
الغرام اللي عرفناة اختلف
ومن يبي لة حب لازم لة ضمان
يفرق المعدن عن اشكال الخزف
من يصدق ان صلب العود لان
لان لكن جفنة ابدا ماذرف
التباهي صار واضح للعيان
وكل شخص بتباهى كم عرف
اه ياقلب من الاحزان هان
والعذاب اللي يشوفة مانوصف
شال ياما شال من طغن السنان
وكم على لحن من الفرقا عزف
ليتنا نرحع على هاك الزمان
نعشق من القلب ونحب ونعف
__________________
تقبلوا تحياتي وتقديري
رد مع اقتباس
المشاركة الأصلية كتبت بواسطة وعد
مواقع النشر (المفضلة)