شوفوا كيف اعتبر الشايب من الهر
وسالفتنا اليوم تتكلم عن شايب في ذاك الوقت معروف بالبخل طلع من ديرته لديره ثانيه يترزق الله على رجليه, وكان الجو هاك الوقت وسميه وخير وربيع وكان الجو برد وحالته البخيل الشايب شينه ثيابه متشققه متسخه وحالته حاله , الا هاك الرجال فى الديره الثانيه قاعد عند الباب يتفرج على هالخير وهالمطر ويذكر الله ويحمده , ويوم شاف خوينا الشايب رحمه
وقال انت ,,انت ياللى قاعد بالبرد من انت
قال الشايب انا الطرقي
قال هلا ومرحبا بالطرقي اقلط مرحبا ومسهلا
ويقلطه ويلقى عنده القرص والسمن والعسل والعود الازرق والقهوه ويشب له الضو ويلبسه الفروه ..
يوم دفا وزانت علومه وشبع الرجال من هل الخير تنهد الشايب البخيل
و قال انت قلطتني وشبعتني حتى فروتك الله يجزاك خير لبستني وجلستنى محلك .. انت وش انت وش اسمك ..
قال الرجال انا اسمي الهر ..
قال الشايب الدراهم ذى يا الهر وين جتك منه ..
قال الدراهم ذى جتنى من حرمتن تو زوجها ميت واعرست عليها ...
قال الشايب .. ايه والله صدق اللى سماك الهر اشهد انه صادق ..
طبعا الشايب البخيل فهم اللى يدور حوله وانتبه لدنياه ...ويوم اصبح وطلع من عند الرجال اسرع لديرته واول مانصى نصى السوق وراح يشتري من الخير والارزاق ونادا الحمالى ويستاجره فى حمل الاغراض للبيت وقاله يسبقه للبيت ,,, ويوم راح الحمالى للبيت وطق الباب ردت زوجة البخيل
قالت من انت قال انا الحمالى ومعي مقاضي للبيت.. قالت انت غلطان ,, قال مهوب ذا بيت فلان قالت الا هو بس ابونا بخيل ولا خبرناه ساعي لنا بخير.. قال يابنت الحلال افتحي الباب هداه الله قالت لا مانى فاتحة الباب ..
حتى وصل الشايب وسمع اللى يدور بين زوجته والحمالى قال افتحي الباب يامره قالت هو ذا انت قال ايه افتحي.. عاد تجي زوجت الشايب وتفتح الباب, يوم عاد شافت هالخير قالت يابونا وش جرا عليك وش ذى المقاضى و وش ذا الخير اللي نزل عليك ... قال يامره نبي نبيد المال قبل لا يجي للمال هراً يبيده !!!!!!
ياجامعين المال فـي شتـى الاسبـابتشقـون بالدنيـا ولا انـتـم باهلـهـا
والرزق ضامنه الولـى رب الاربـابونفوسكـم تطمـع وهـو مـن جهلهـا
والمـوت قافيكـم ولا هـوب بيرتـابوالـروح محتـوم يوافيـهـا اجلـهـا
مادونهـا حـارس ولا دونـه هـبـابيمضى لها القابض وهـى فـى املهـا
قدامهـا كاتـب وحـافـظ وحـسـابامــا لـهـا ولا عليـهـا عملـهـا
في ساعتن يشيب مـن هولهـا الشـابماعـاد للتـوبـه مجيـبـن سئالـهـا
المال والاولد ماتنفع ولا حتى الاصحابالا ان خالقهـا بعفـوه قــد شملـهـا
وين الملوك اللى لهم خيـر واركـابناخـت لهـم غبـر الليالـى جملـهـا
واهـل التكاثـر والتفاخـر بالانسـابداست راحـى الدنيـا عليهـم عجلهـا
راحوا ولا معهم مـن المـال مكسـابوديـارهـم مـاكـن حــي نزلـهـا
دنـيـا تواليـهـا بـيـن الاحـبـابمسكيـن ياللـى غرتـه فـي مهلـهـا
لا تامن الدنيا لا ضحكـت لـك بنـابالنـاب الاخـر كامـلـن لــك عللها
في الخاتمه
يقولون الفلوس وصخ دنيا .. والعمر بنعيشه مره وحده .. فابذل مالك دون تبذير ولا تكنز الاموال وتبخل على نفسك وعيالك وضيوفك...
واتمنا من الجميع المشاركه فى طرح قصص وحكايا مفيده لنا ..!!!!
مواقع النشر (المفضلة)