كلمات الشاعر الاماراتي _ حارس الليل


ربح سهم التجافي والتخلي
وسهم الحظ دايم في خساره

كذا سوق الهواء مابه تعلي
ولا له في قوانينه حظاره

على الاهواء قاضي الحب يملي
يقر وانت مجبور بقراره

زمان الحب والاشواق وجلي
يضيع العمر واتروح النظاره

ويبدلك الهيام وحال مبلي
ويمزج ليل وقتك مع نهاره

وخل لو صفالك مايسلي
وكاس الوصل تشربه بمراره

ينيبك من خليلك انت خلي
ويلعب في مشاعرك بشطاره

يجيد الخوض في بحر التغلي
ويكوي حبك المخلص بناره

عجب والله مافي الحب مغلي
ولا له من يهيبه في وقاره

برخص انسام وامسى يضمحلي
ولا من يتلي معنى العباره

من العادات حب الناس اصلي
لمع وانصاغ اسمه للعذاره

كتبت ابيات شعري من مثلي
ومن حال يلاضيني شراره

ختام القول واحروفي تملي
نصيحه خل حبك كالمناره

وعز ترتقيبه وعطر فلي
ولا توديه في عمق المغاره

تعيش بدنيتك دنيا ودلي
وتفرح في فرح خلك كباره

على الهادي سلامي ثم اصلي
شفيع الناس في يوم النشاره