نــــــــــــوره

**al-shmaly** · 13-12-2005, 05:52 AM

السلام عليكم ورحمة الله وبركاته

واسعــــــــــــــد الله اوقاتكم بكل خير

واعجبتني وحبيت انقله لقلوبكم النتقيه

نــــــــــــوره

هلا ياهاتفي لا دق وشفت انـه رقـم نـوره
يفز القلب ويحيّي شركـة الهاتـف الجـوال

واجاوب مرحبا ياللي غمرني بروعة شعـوره
خذا بالحب من قلبي وخذا منـه بزيّـن قبـال

وقالت والبقا ياللي حروفـك بـي محفـوره
مثل نقش الصخر ماتمسحه حتى سنين طـوال

احبك وارتجي شوفك وانا لرضاك مأسـوره
وفي صدري كلامٍ لك يلين من حـلاه جبـال

احبك كبر ذا العالم محيـط وارض وبحـوره
واحبك كل ما ذعذع هبوبٍ بالغصـون ومـال

واحبك لابدا وصلك وقفـر القـاع ممطـوره
واحبك فالشتا والصيف واحبك حزة الامحـال

احبك لكـن الفرقـا علينـا اليـوم مجبـوره
ولا فيدي سوى دمعي على خدي يهل همـال

عقبها ضاقت الدنيا وصار الحظ في حـدوره
ومن وقع الخبر ضعنا وجوالي فقد الارسـال

وقمت اذكر ليالينا واصبـر نفـس مكسـوره
واقول ان الغلا زايل في قلبي له وهو ما زال

سقا الله يومنا كنا سـوى والنفـس مسـروره
وانا مالي من المهنه سوى عشق اتبعه باوصال

وعشنا بالهوى اجمل قصص بالعشق مشهوره
يرددها جميـع النـاس بالونـه مـع المـوال

واداري خاطره لاضاق والدمعـات منثـوره
واضمه لا زعل مني واضيع ضيقـةٍ فالبـال

احبه عد ما سارت سنيـن العمـر وشهـوره
وهو في دنيتي ربحي ومطلوبي وراس المال

ولكن ما هقيت في يوم تصير الروح مقبـوره
وسط قبر الفراق اللي من اسبابه دنت الاجال

وقمت ادور الحيله واراجع شوري وشـوره
الين الله فرجها وجـاب الحـل لـي فالحـال

وعاودت اتصالي به بتسـع ارقـام مذكـوره
وقال الهاتف ان هذا الرقم في حالـة الاقفـال

بعدها فقت من نومي وبان لعينـي الصـوره
وقمت اقراء من الايات في التوبه وفي الانفال

ويوم الحلم ودعني وشفـت بعيـن مبهـوره
واثرني اهوجس لحالي ولا حتى معي جـوال

وســــلامـــــتـــــكـــــم

**الحوراء بنت نجد** · 13-12-2005, 11:25 AM

الشمالي

ماشاء الله عليك في نقلك لهذه القصيده-----رائعه

فيها كلمات تطرب القوافي=== وحظيظ يالشمالي

اللي لاضاق أو أبتهج رجع للأنفال والتوبه0000

كم أتمنا حين نقلك أن تذكر لنا شاعرها ليكتمل

لدينا فيض القصيده--- وفعلآ على الدوم نقلك ذوق

لاخلا ولاعدم من الشمالي------

هذه--الحوراء00بنت نجد

**لحن ألمشآعر** · 13-12-2005, 02:03 PM

أخوي
الشمااالي

تسلم يمينك على هاذا التواصل يالمبدع الله عليك يالغالي
وعلى هالحضوور الرااااائع

تقبل تحيتي وتقديري مع إنتضار ألمزيد من ألإبدااااااااع

أخوكـ

سلمان المطيري ( لحن ألمشآعر )
دمـتـ لـنـا
بـخـيـر