عشق المستحيـــــــــــــــــــــل

[HarD]

آه ياقلبٍ تولع على حب الوداع=صار يكره وقفة الرجل ويحب الرحيل

وآه ليت ان الهوى والمحبه ماتباع=كان مابعت المحبه لعشق المستحيل

وليت عمري مامضى فالهوى العذري وضاع=وليتني صديت صد الكريم امن البخيل

وليت قلبي لوح مركب وريحٍ في شراع=مايميز لتجاهات والدرب الطويل

كان ماعذبت قلبي بقدر المستطاع=بين هجران المحبه ونكران الجميل

ابتلشت وتهت مابينها والشيب شاع=واندثر وجه المحبه معى الحلم الجميل

الخيال اللي يداعب خيالي كل ساع=العلاج اللي تشافى به الجرح العليل

جادلن غنى لها الشعر بحروفه وطاع=وانفتن في حسنها اللي حشى ماله مثيل

ذاب في مبسم وخدٍ كما نور وشعاع=وانقتل في مدمج الساق والخصر النحيل

ناعم الوقفه كما صيدةٍ فيها ارتياع=اطرقٍ عوده لما هبت النسمه يميل

والمعنق عنق ريمٍ تراودها سباع=والشعر كنه غروب الشفق في دنو ليل

اشقرٍ كنه على مهرهٍ شافت شجاع=اصتصاعت يوم قال اجيد اخواني قتيل

والعيون00 الخدر00 النعس00 الدعج00 الوساع=والمحيط اللي عليه ارتوى الرمش الضليل

تهت وسط اعيونها هي هجوم اوهي دفاع=المهم ان من مضى صوبها عود هبيل

جيتها مابين رجعه وما بين اندفاع=قلت هل في دروب الهوى يمك سبيل؟

قالت : ان كانك تعرف الطمان امن الرفاع=فنت ماترضى على الناس للواشي دليل

والله ان آآموت ماسولفوا فيني رعاع=والله ان ياتي معك جيل وان ايروح جيل

مارفعت ابراس ابي فوق واوطيه قاع=ولا اتعلم منهج الغي والحب الذليل

واعتزيت ورحت منها برغبه واقتناع=وامتلت عيني بدمعه وعيت لاتسيل

رحت وعيونه عليها توجاد اوداع=وجد من قفى وليفه على درب الرحيل

وسلامتكم

[الحوراء بنت نجد]

تجاوز============

تجاوز نشر أكثر من موضوع---------------

الحوراء--بنت نجد