لاجئ سياسي (( قراءه لواقع الحال ))
بسم الله الرحمن الرحيم
اتمنى ان تحوز على رضاكم
لاجـــــ سياسي ـــئ
عندما تصرخ بين الحضور
ولاتسمع لصدى صوتك ظهور
فلا تتوقف عن الصراخ
اصرخ ... واصرخ ..... واصرخ
ولاكني اخاف ان لايستجيب لك سوى
سكان ....... القبور
ولاكن لماذا تصرخ وانت جالس
عليك بالهمس
فالهمس آفة المجالس
المثال شديد
وهو ليس بالجديد
وانت لاتحتاج الى المزيد
(( يدخل السكرتير على المدير
وهو بكل شيء خبير
هذا طال عمرك ملف منصور
اللي انت خابر من 3 شهور
المدير في ضيق(ن) شديد
ياسعيد
فهم اللوح وقل له هذي آخر محاوله
لازم يحط المعلوم تحت الطاوله
وبعدين انا ضميان ... وين المويه
خل المراسل يجيب شاي اخضر احس اني اليوم تعبان
سعيد لاتنسى قفل الباب
وخل بالك لاحد يدخل علي من هالرعاع
إذا احد سال قل عنده اجتماع ))
.
.
.
الامثله لاتنتهي
وانت اختر منها ماتشتهي
فعالمنا غريب
وعجيب
بل هو مريب
.
اذهب لتشتري قهوه
او حتى زبيب
ولاكن احذر عندما يبداء البائع بالكيل
اصرخ هامسا
توقف
لااريد من هذا
اريد من الاكياس اللتي تخبئها لزبائنك المميزين
عندها سيبتسم لك ابتسامة صفراء
ويردد على مسامعك الغراء
كافة اصناف المديح والاطراء
انا اقول شكلك ماتحب الا الغالي
ياعمي خذ من الغالي عشاك
وارمي مشاكل العالم وراك
ابشر من عيوني لاكن
ترى السعر بيزيد
ماعندي مشكله بس هات من الاكياس
ترى انا افهم
وفي الختام تدفع السعر المطلوب
آه ...... يامثبت العقول والقلوب
......
الساعه هي العاشره الاربع
طبعا توقيت السياره على توقيت جرينتش
الجو اشبه بالتنور
والارض تفور
رحماك يارب
تقف بجواري مركبة فخمه
ومن بيت ثنايا زجاجها
ارى عيونا ولا اروع
عيون المها بين الرصافـة والجسـر0000000اتاني الهوى من حيث ادري ولا ادري
وش هالموقف المحرج
سيارتي منتفه من كل ديره
وهذي البنت شكلها اميره
لاتلتفت ياولد سو فيها انك مهذب
وبحركه لااراديه اسكر القزاز واسوي نفسي ارتجف من البرد
يعني مكيف السياره 24 الف وحده
الله يغفر لي والله مافيها من الثنتين وحده
لاحار ولابارد
وفيمايزال ذهني شارد
قمت استرق النظر
بس البنت شكلها خفيفه
ماغير من باب الى باب
الله يعين الشباب
ياخي مالك ومالها
ايش اللي مالي ومالها
خلني اطيح عليها يمكن تعطيني الف ولا الفين
الجيب فاضي ... والبيت يحتاج مقاضي
فتحت الاشاره
وراها وراها
اللين الوزاره....
هذي وش تبي فالوزاره
فرصه ياولد طح عليها
خلها تتوسط لك في وظيفه
وانت جاهز من ما مجاميعه
الملفات تارسه السياره
وبس... وهي تنزل
وانا انط والسياره مابعد وقفت
ادخل على الله وعليك ياطويلة العمر
انا حالتي يعلم بها الله
ولا على امي الا انا
تكفين ترى هذا وقت تكفين
المسكينه من الخوف
تعثرت في عبايتها
وطاحت من هول الموقف غطوتها
وانكشف المستور
طلع اسمها ام بدور
خدامة منيره بنت المدير
جايه تتوسط لولد اختها سمير
يجيبونه على فيزة سواق او محاسب
او بالمره يحطونه على الاسواق مراقب
وهذا من اسباب ضياع العمر
لمن لايهمه الامر
.
.
.
وعن واقعنا العربي المرير فحدث ولاحرج
فالقوميات بدات تضيع
وهويتنا المفقوده من زمن تميع
ونحن حاليا نبحث عن
.
.
.
.
التطبيع
.
الويل كل الويل لمن يردد بينه وبين نفسه
اذا الشعب يوما اراد الحياه0000000فلابد ان يستجيـب القـدر
قفوا صفا واحدا
ورددوا واحملوا لافتات الاحتراف
اقصد الانحراف
لانه يوجب علينا الاعتراف
باننا نقف
تائهين
ضائعين
غير مبالين
[poem=font="Arial,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لـو اردت انـك تصنـف نفـسـك المـغـروره=انتـبـه لاتخـلـط السـلـبـي مـــع الايـجـابـي
عاشت الصوره ومات اللي بوسط الصوره=ضاعـت احلامـي مابيـن المحبـره وكتـابـي
امسـح الـدرس القديـم وكسـر الطبـشـوره=ماعلـى الناسـك مـلام ان غـادر المحـربـي
الزمن ضاعت سنينـه واختلـف عـن دوره=دام انا منسي من اقرابـي واعـز اصحابـي
الجريمـه هـي جريـمـة نفـسـي المقـهـوره=والرضـا فـي مامضـى ماينفـعـك ياعـرابـي
انكسـر مـوج المحيـط ولا روتــك بـحـوره=واللـجـوء لغـيـر ربــك ماعـلـيـه حـسـابـي
دام الارض مكوره فالنـاس تهـوى الكـوره=ماعلـى المطلـوب فيهـا لـو غــدى طـلابـي
ارجــع اسـلـم واقــول الـعـز يالمـنـصـوره=احفظي رسمـي وجسمـي واختـلاف ثيابـي
واكتـمـي ســري وانــا بـاقـول يامعـمـوره=لو يـدوم الغصـن الاخضـر مابقـى حطابـي
لـو بغيـت الثـار مـن نفسـي واقـوم ثــوره=يــوم بـكـره صنفـونـي مـجـرم وارهـابــي
بس انـا لاجـئ سياسـي فـي محاجـر نـوره=طـول عمـري فــي هـواهـا ماتقـفـل بـابـي [/poem]
ولكم مني خالص التحيه و الاحترام ,,,,,,
اخوكم : سلطان العجمي .
مواقع النشر (المفضلة)