"<(li)§ واحـدٍ شقـق ثيـابه §(li)> "
بسم الله الرحمن الرحيم
واسعد الله اوقاتكم لكل خير واعجبتني وحبيت انقلها لكم
وهي للشاعر : خالد الشعلان
"<(li)§ واحـدٍ شقـق ثيـابه §(li)> "
وآآآسف عالإطــــالة
=-=-=-=-=-=-=-=-=-=-=-=-=-=-=-=-=-=
تِنطوي الصفحه بصدري والقلم ينسى الكتابه
وتنطفي شمعات عيني ترسم بلحظه وِداعَـه
لحظةٍ كانـت بقلبـي منبـع سنيـن الكآبـه
لين جف الدَّمع فيني والأنين يروي اِلتِيَاعـه
جيت أبدأ في غرامي قبل يبـدأ فـي عتابـه
قلت له وآنا اتبسم من يصـدِّق هالإشاعـه!
كيف ما تعرف غرامي وإنت سحره فِانجذابـه
والحنين اللي بخفوقي ماهو تمثيل وصناعـه
الحنين اللي بخفوقي صعب تلقى لـه إجابـه
ومستحيل إنسان يوصف روح ربي ببتداعه؟!
وانت روحي في كياني وشي لايمكن يشابـه
وان نويت تروح تلقى روحي بروحك صراعه
لختفت أوتار عودي كيف أعزف عالربابـه ؟
قل لي بالله وش مصيره لِيْفِقَد قارب شراعه؟!
وصارت الريح بغرابه تاخذه وتخفي مصابـه
وان تصبر في بحرها الكـذب حـرَّر قناعـه
لين مل البحر منَّه وبالجُـزُر يرمـي ركابـه
وانكسر قارب نجاته وشتت اليـم البضاعـه
مثل طفلٍ مرحموه واتركوه بحضـان غابـه
يروي قصه ما كتبها بس سَطَّرهـا اِرتياعـه
ومالقـوه إلا كِسِيْـر والألـم رَقَّـع ثيـابـه
وكانت أيامه تعاني لين بانـت فـي ضْلاعَـه
لو درى هذا مصيره ما طـرق حُبِّـك وبابـه
وكان ما خَلَّى قصيده ياخذك لأعلى ارتفاعـه
ناظرتنـي وناظرتنـي بعينهـا شـيٍ تهابـه
واعتلى فيها سكون مـا قويـت إلا سماعـه
مادريت إلا وفجـأة تختفـي مثـل السرابـه
اختِفَت وآنآ اتِلَمَّس في ضباب الكون ساعـه
مَرَّت سنين وعَدَّت والسـؤال يبقـى اِجابـه
للسؤال اللي جِبَرني قلت لـه سمـعٍ وطاعـه
أدري ما يهتز عرشي واِهتزازه مـن غيابـه
يعتلي موجي في بحره ولَرْتِفَع يرجع لقاعـه
لَنِّي في موجـات حُبَّـه مالقيـت إلا عذابـه
ومن نويت البُعد عنها كَنِّي عايش في مجاعه
لَكن احساسي وكلي يعتلـي ممشـى ترابـه
وانكسر قلبي بْصَمْتِي طاح وانهـدَّت قلاعـه
وابتديت أجمع شتاتي وتبكي لعيوني السحابه
والحُكُم يقضي بسجني والشِّعِر يطلب دفاعـه
الدِّفاع اللـي تركنـي بيـن أنيـاب الذيابـه
ليه يتركني لوحدي والهروب ماهـو طباعـه
بعد ما حبـه سكنّـي عـض يدينـي بنابـه
ليه يجفيني وحبـي واصـل ٍ حتـى نخاعـه
والله إنَّه من تركني ما وِقَف دمـع اِنسكابـه
يوم شفت ديار قلبي بالهجر ترسـم ضياعـه
وأصبح الليل بنهـاري واحـدٍ شَقَّـق ثيابـه
وأصبحت دمعات حُبِّي خنجَر ٍ شَلَّـت ذراعـه
بعدها طير غرابي وطَيَّـر العقـل وصوابـه
وأصبح الشيب بشبابي مجتمع ينسى جياعـه
وصارت عيون المرايه تاخذ الماضي بشبابـه
وتترك الدمعه بقلبي تِخْفِي مافينـي جزاعـه
ولو على قولة شَجاعَه قلت يحرقنـي غيابـه
ولو على قولة كفايـة قلـت يكفينـا قِطَاعـه
واختفت صفحات حبـي والقلـم وَدَّع كتابـه
واِنْطِفَت شمعات عيني تَرسمِ بْوجهي وِداعـه
تحيااااااااااااتي
شمالي
رد مع اقتباس
مواقع النشر (المفضلة)