نسيتي قولـك معصقـل. وانا اعيـرك يالدبـه
السلام عليكم ورحمة الله وبركاته
واسعد الله اوقاتكم اخواني واخواتي بكل خير
قصيده ايام زمان وقديمك نديمك واتمنى تحوز رضاكم
[poem=font="Simplified Arabic,5,orange,bold,normal" bkcolor="black" bkimage="" border="inset,4,orange" type=1 line=0 align=center use=ex num="0,black"]
نسيتـي المـزح بالقبـة=ونسيتـي لعبنـا الطبـة
نسيتـي كشختـي دايـم.. =بثوب دوبلين خبخبـة
نسيتـي غتـرة الملمـل=تغطينـي تقـل جـبـة
نسيتي الركض بالطايـة..= لاصار بدارنـا شبـة
لاجابوا فضلة القرصان. =نتسابـق ودنـا نلبـه
نسيتي إزعاجنـا لمـك=وهي بالحـوش منكبـة
نسيتي معلف ام العـوف..= تظفينـه وانـا اكبـه
نسيتـي ثوبـك الترتـر. =وغيظك لأنقطع حبـه
نسيتـي بسطـة عزيـز.. =ايلاجاء العصر بالقبه
نسيتي خرطه الماصـل=يجيب الحكي مـن عبـه
نسيتـي القربـة الشنـه.=وماهـا البـارد نقبـه
نسيتي قولـك معصقـل. =وانا اعيـرك يالدبـه
نسيتـي نعالنـا التليـك.. =هي الموتر ونلعب به
نسيتـي موعـد الحنـا=ايلا جاء صابكـن خبـه
نسيتي طيحتـك بالليـل..= وهي ظلماء وانا السبه
نسيتـي اكلنـا الهبـود..= نتناقر والسبب حبـه
وامــك لاتهـاوشـنـا..= وتحط بعيوننـا شبـه
نسيتـي ثوبـك الكرتـه=ننكـت فيـة ونشـبـه
نسيتـي كحـة الـمـذن=قبـل يـذن يبـي ينبـه
نسيتي تريكنا المصنـق..= نغسلة قبل ما نسبـه
وندعى ربنا يكود العنـز.= تجيب وليد نلعب بـه
نسيتي كيف اوصف لك.. =زمـان يعلمـه ربـه
حلو رغم الفقر بالحيـل=زمــان راح ونحـبـه
نسيتـي ليـه مـا ادري. =دخلتي الوقت من جبه
لك الفديو لـك التلفـاز. =لك المكياج مـا احبـه
لـك الدنيـا بزخارفهـا=وعطيني حظار مع قربه
ومعهـن مسفـع بالـي. =وثوب اللاس والطبـه [/poem]
وسلامت اعينكم
تحياااااااتي لكم
رد مع اقتباس
مواقع النشر (المفضلة)