( ياحــــــــــلو الحجـــــــــــاب بالجنـــــــــــــز )

في مواقف تجير ضد المرأه تصيب الواحد بالدوخان لما يكون مدقق التفكير فيها...
فعلى سبيل المثال :ماينتصر اصحاب الخط التقليدي المحافظ لعدويهم من اصحاب الخط التحرشي المنفلت
الا لما يقوم الاخير بالتحرش في بنتين في نفق الرياض ماقاموا بشي الا اللهم انهم مشوا في النفق مدثرات بالسواد من راسهم لاخمص قدميهم
نلف البلدان المجاوره لنا والبعيده عنا كانت عربيه او اجنبيه اللي نصف بعضها معروفين بالتفسخ والانحلال بس مانشوف حراس امن على الابواب صالونات التجميل (المشاغل النسائيه) عندنا ولا على ابواب المجمعات التجاريه ولا على صالات الافراح ولا تقوم الدوريات الامنيه بالدوران حول اسوار مدارس البنات الثانويه وكليات البنات لحراستها وكأنها منشأت نوويه
يجي في بالي في بعض الاحيان ان المرأه بمجرد ماتتعدى باب البيت تتحول من مرأه الى طريده مستباحه ولا احد يحط في باله ان لهالمرأه مكانه علميه او ثقافيه او اجتماعيه
وفي موقف سمعته من سيد عظيم انه حظر احد المؤتمرات في المنامه في البحرين وبعد الجلسات الصباحيه صادف على طاولة الطعام واحد من المتحدثين السعودين وهم كانوا يتكلمون عن المؤتمر والشغلات اللي فيه الا بوحده من المشاركات ماره عليهم اللي طرحت احد المداخلات في المحاضره السابقه فعلق المتحدث متهكم "ياحــــــــلو الجينــــــــــــــــــــز بالحجــــــــــــاب" فشوفوا شلون تعليقه نسى هالفارغ كل ماعطت هالمرأه من تعليقات وملاحظات بس حصر تفكيره بأشياء شخصيه جدا بس هالاشياء ماجات الا من من فراغ وتراكمات نفسيه وسوء فهم دور المرأه بالمجتمع.........